15 наурыз референдум күні 54 елдегі Қазақстанның шетелдердегі өкілдіктері жанынан 71 учаске жұмыс істейді. Яғни, 14 мыңнан астам ел азаматы жырақта жүріп дауыс бере алады. Республиканың Сыртқы істер министрлігі осындай мәлімдеме жасады. Бүгінде шетелдерде референдум комиссиялары құрылды. Олардың барлық мүшесі Республикалық референдум туралы конституциялық заңы және адам құқықтары мен қажеттіліктерін білу бойынша арнайы тестілеуден өтті. Науқанды өткізу тәртібі бойынша онлайн оқыту семинары ұйымдастырылды.
Ерлан Жетібаев, ҚР Сыртқы істер министрлігінің ресми өкілі:
- Таяу Шығыстағы әскери-саяси жағдайдың ушығуына, сондай-ақ Украина мен Эфиопиядағы қауіпсіздік деңгейінің төмен болуына байланысты 10 елдегі 11 учаскенің жұмысын уақытша тоқтату туралы шешім қабылданды. Олардың арасында Қазақстан Республикасының Иран, Израиль, Иордания, Қатар, БАӘ, Оман, Ливан, Кувейт, Украина және Эфиопиядағы елшіліктер жанындағы, сондай-ақ Дубай қаласындағы Қазақстан консулдығы жанындағы учаскелер жатады.
Таяу Шығыс елдерінен 8,5 мыңнан астам қазақстандық эвакуацияланды
Сондай-ақ сыртқы саясат ведомствасы Таяу Шығыстан 8,5 мыңнан астам қазақстандық елге оралғанын
мәлімдеді. Отандастарымызды елге қайтару үрдісіне құзырлы органдар мен әуе
компаниялары тартылған. Әуе рейстерінен бөлек, ел азаматтарын шығару Әзербайжан, Армения және
Түрікменстанның құрлықтағы шекаралары арқылы да жүзеге асуда. Алдағы күндері
эвакуация жұмыстары жалғасады. Қазіргі уақытқа дейін Қазақстан азаматтарының
арасында зардап шеккендер немесе қаза болғандар туралы ақпарат түскен жоқ.
1. Жасанды интеллектті қолданасыз ба?
Сондай-ақ
