Қазақстанда суперкомпьютер ауа райын болжайды

Қазақстандағы ауа райын енді суперкомпьютер болжайды. «Қазгидромет» жаңа жүйені іске қосты. Тың технология климаттық жағдайды 80% дейін дәлдікпен анықтай алады. Жаңа жүйеге атмосфераны зертейтін арнайы WRF моделі орнатылған. Бастапқы метеорологиялық мәліметтерді халықаралық спутниктен алады. Кейін сол ақпаратты еліміздің аумағына бейімдеп, нақты болжам ұсынады.

Әмірхан Темірбаев, Farabi Supercomputer Center орталығының директоры:

- Қытай үкіметі мен Қазақстан үкіметі келісімі аясында құны 20 млн доллор болатын суперкомпьютер Қазақ ұлттық университеті жеткізілген болатын. Шалғай орналасқан ауылдардағы адамдарда нақты ауа-райын болжамысен қамтамасыз етілетін болады. Негізгі нәтиже осы.

Суперкомпьютер әр екі шақырым сайын ауа райын анықтай алады. Ал бұрынғы әдіс 16 шақырымдық шаршының ақпаратын топшылайтын. Техника боран, дауыл сияқты қауіпті құбылыстар туралы да ескертеді. Мамандар мұнымен қоймай, бір апта тіпті бір айдың болжамын жасамақ. Ол үшін арнайы алгоритмдер әзірленеді. 

Ербұлан Серікжанов, Сандық әдістер және деректерді өңдеуді автоматтандыру басқармасының жетекші инженері:

- 36 сағатты біз 3,5 сағатта есептей аламыз. Бұрынғы сервердағы есептеуіміз шамамен 10 сағаттан асатын, 7 сағаттай үнемдеп жатырмыз. Су тасқыны сынды соларды алдын ала жоғары дәлдікпен болжауға мүмкіндік береді. Бірақ әрине WRF моделі бізде құрал, ал соңғы шешім синоптиктермен шешіледі.

Веб-редактор: Нұрбек Балгүл Қайрошқызы