Қазақстанда IT-Aiel тегін білім
беру жобасының жаңа маусымы басталады. Естеріңізге сала кетейік, бағдарлама
сандық дағдыларды дамытуға бағытталған және көп балалы аналарға, декреттік
демалыстағы әйелдерге, сондай-ақ ауыл жастарына арналған. Оқу 3 айға созылады.
Бағдарлама онлайн-сабақтар мен өңірлердегі көшпелі білім беру сессияларын қамтиды.
Айта кетейік, жоба 2023 жылдан бері жалғасып келеді, осы уақыт ішінде 21 мыңнан
астам қазақстандық әйел қосымша білім алған. Өткен жылы курсты 4,5 мыңнан астам
қатысушы тәмамдаған, олардың үштен бірі алған біліміне сүйеніп өз ісін ашты.
Биыл бағдарлама мазмұны жаңартылды. Ол 3 білім беру блогынан тұрады. Біріншісі
AI құралдарын пайдалану арқылы қаржылық сауаттылыққа баулуды көздейді. Ол қатысушыларға
салық есебін, өзін-өзі жұмыспен қамтығандар мәртебесінде қызмет жүргізуді және
өз дағдыларын монетизациялауды үйретеді. Бағдарламаның келесі блогы электрондық
коммерцияны дамытумен байланысты. Қатысушыларға онлайн-сауданы қалай іске қосу
және маркетплейстерде
қалай жұмыс істеу керектігі түсіндіріледі. Келесі блок цифрлық
құзыреттілікті дамытуға арналған: жасанды интеллектіні пайдалана отырып
мобильді қосымшалар шығару, сондай-ақ AI-технологиялар негізінде бейнеконтент жасау
үйретіледі.
Азиза Шужеева, TECHNOWOMEN коммерциялық емес ұйымының басқарма төрағасы:
- Біз бұрын болмаған екі жаңа
мамандық қостық – оның біріншісі вайп-кодинг, яғни біз цифрлық платформалар,
жасанды интеллект арқылы мобильді қосымшаны, сайттарты, басқа да өзіміздің
цифрлық өнімдерімізді қалай жасауға болатынын үйретеміз, ал екіншісі - AI бейне-креэйтері. Қазір
жасанды интеллект қолданылатын бейнероликтер өте танымал екенін білесіздер,
енді біз осындай роликтерді қалай жасауға болатынын үйретеміз, бұл цифрлық
маркетингпен шұғылданатын әйелдер үшін, смм-мамандар үшін, журналистер үшін,
оқытушылар үшін өте пайдалы білім болмақ.
1. Жасанды интеллектті қолданасыз ба?
Сондай-ақ
