Білім жүйесін цифрландыру заманауи мәдениеттің бір
бөлігіне айналып, тіпті салт-дәстүрлермен үндестік тапты. Esil University-де
Digital Nauryz-2026 аясында сандық аллея мен жасанды интеллект және жаңа
технологиялар зертханаларының кешені ашылды. Жоба IT-құзыреттілікті дамытуға
және оқу үрдісіне AI-шешімдерді ендіруге бағытталған. Мұнда студенттер заманауи
жабдықтарға қол жеткізіп, стартаптар әзірлейді, сондай-ақ түрлі тәжірибелік жобаларды
жүзеге асырады.
Аяпберген
Таубаев, Esil Univercity ректоры:
— Бұл барлығы
төрт зертхананы қамтитын кешен. Олардың бірі – робототехникаға арналса, екіншісі
- жасанды интеллект негіздерін дамытуды көздейді. Ал үшіншісі - Hide Vision
зертханасы. Яғни, мұнда бейнебақылау жүйелері әзірленеді. Студенттер оларды
толығымен өздері жинай алады. Ең соңғысы - сандық инклюзия кеңсесі, онда
мүмкіндігі шектеулі жандар, сандық құралдар арқылы университеттегі бар дүниеге қашықтан,
яғни онлайн қол жеткізе алады.
Сондай-ақ университетте наурыз мейрамы аясында IT
Project Fest байқауының жеңімпаздары марапатталды. Байқау бүгінде жасанды
интеллект жоғары оқу орнының білім беру процесіне - талапкерлермен жұмыс
істеуден бастап, оқытушыларға материалдарды дайындауға көмекші ақылды құрал
ретінде кең көлемде ендіріліп жатқанын айғақтайды.
Жәңгір Есенжолов,
Esil Univercity АІ зертханасының жетекшісі:
- Біз қазір студенттер үшін күнделікті оқу үрдісіне қатысты түрлі сұрақтарға жауап қататын электронды куратор әзірлеп жатырмыз. Ол жасанды интеллект негізінде жұмыс істейді. Ал қабылдау комиссиясы АІ-шешімдерінің көмегімен абитуриенттермен, олардың ата-аналарымен телефон арқылы сөйлесе алады. Сондай-ақ, мұғалімдер үшін слайдтарды автоматты түрде жасап беретін өзгеде технологиялық жобалар жүзеге асырылуда. Яғни, біз өзімізге қажеттіні цифрлық жүйелер арқылы шешіп жатырмыз.
Көктемгі жаңару мерекесін университет ұжымы дәстүрге сай
әуенді де әузді бағдарламамен қарсы алды. Қазақи нақышта ән мен биден шашу
шашылды. Ұлттық киім үлгілері мен
салт-дәстүр насихатталды. Қонақтарға бауырсақтар мен наурыз-көже ұсынылды.
1. Жасанды интеллектті қолданасыз ба?
Сондай-ақ
