Наурызнама аясындағы ауқымды мерекелік шаралар Қазақстан
өңірлерінде де өтіп жатыр. Сәтбаев қаласында Бауырсақ Fest ұйымдастырылды.
Орталық алаңда нағыз гастрономиялық шоу басталды: аспазшылар 200 келіге жуық
қамыр илеп, бауырсақ пісірді. Бірліктің, жомарттықтың және достықтың символы
ретінде баршаға он мыңнан астам хош иісті тағамдар таратылды. Қала тұрғындары
мен қонақтары ұлттық киім киіп, мерекелік автомосфераны қолдады.
Ұйымдастырушылардың айтуынша, Бауырсақ Fest Наурыз рухының көрінісі, ол адамдарды
біріктіріп, жүректерді көктемгі жылумен толтырды.
Альбина Итекеева, Сәтбаев қаласының тұрғыны:
- Біздің қалада осындай шараның өткізіліп жатқаны
қуантады. Өте ауқымды, өте қызықты, барлығымызды біріктіреді. Барлық
қазақстандықтарды Наурыз мерекесімен құттықтаймын! Наурыз мейрамы құтты болсын!
Еліміздің батысында да Наурыз мерекесі ерекше аталып
өтіледі. Атырауда 5 мыңға жуық адам, жас ерекшеліктері әралуан, әртүрлі ұлт пен
ұлыс өкілі Ұлттық киім күнін қолдады. Қатысушылар қазақтың дәстүрлі камзол,
шапанын киіп, халықтың салт-дәстүріне, мәдениетіне және бай мұрасына құрмет
танытты. Шеруге қатысушылар барқыт пен жібектен тігілген, кестемен және ұлттық
ою-өрнектермен безендірілген киім үлгілерін көрсетті. Әйелдердің дәстүрлі бас
киімдері, ерлердің тақиясы мен теріден тігілген бас киімдері көріністің сәнін
келтірді. Кимешектер шеруін өткізген әжелердің белсенділігі де ерекше назар
аудартады.
Алмагүл Құдайберген, Атырау қаласының тұрғыны:
- Атмосфера өте керемет. Халықтың көңіліне қарай күннің
райы да керемет. Адамдардың бүкіл көңіл күйін көрсетіп тұрған керемет мереке
болып жатыр. Шараға бірінше рет қатысып тұрмын. Бұрын қатысқан жоқпын.
1. Жасанды интеллектті қолданасыз ба?
Сондай-ақ
