Түрікменстан өз аумағы арқылы Ираннан шетелдік
азаматтарды қауіпсіз көшіруді қамтамасыз етеді. Таяу Шығыстағы жағдайдың
шиеленісуінен әуе қатынасы шектеліп республика тәулік бойы транзит ұсынды.
Бұдан бөлек, Ашхабадта эвакуацияланғандарды қонақ үйлерге орналастыру,
тамақтандыру және одан әрі жүретін пункттерге дейін шығарып салу
ұйымдастырылды. Шекарадан 150-ден астам адам өтті, 250-ден астам адамды
эвакуациялау жоспарланған. Бұл 17 мемлекеттің азаматы. Олар негізінен
Түркменстанның Серахс қаласы арқылы тасымалданды. Тәжікстан мен Өзбекстан
азаматтарын эвакуациялау үшін қосымша төрт бекет пен шекаралық пункт ашылды. Бұл
жұмыс Ашхабадтағы өзге елдердің дипломатиялық миссиялармен тығыз байланыста
жүргізілуде.
Хабиб Мухаммед, Финляндия азаматы:
- Бізді шекара қызметтері мен еріктілер қарсы алды, олар
шынайы адамгершілік танытып, қолдау көрсетті. Қазір біз Ашхабадтамыз. Осы
жерден үйге, Хельсинкиге ұшуды жоспарлап отырмыз. Біз қақтығыс аймағынан
аман-есен шығу мүмкіндігі үшін өте ризамыз.
Ма Цзяюэ, студент:
- Біз шекараға аман-есен жеттік, жолда ешқандай елеулі
қиындықтар туындаған жоқ. Бәрі де тыныш әрі қауіпсіз ұйымдастырылды. Қазір біз
үйге оралып, жағдайды бақылап, не істеу керектігін ойлаймыз. Бірақ Иранда бәрі
тынышталып, қауіпсіз болса, біз қайта оралып, оқуды жалғастырғымыз келеді. Ең
алдымен, біздің транзитіміз үшін осындай қауіпсіз дәліз ұсынғаны үшін үлкен
рахмет.
1. Жасанды интеллектті қолданасыз ба?
Сондай-ақ
