Мемлекет басшысы еліміздің рухани астанасы – киелі Түркістан қаласында қазақстандықтарды Наурыз мейрамымен құттықтады. Қасым-Жомарт Тоқаев өңірдің тұрақты дамып келетінін атап өтті. Былтыр аймақ экономикасы 14% өсті. Бір жарым трлн теңгеден астам инвестиция тартылып, ондаған әлеуметтік нысан бой түзеді. Президент Түркістан референдумда Ата заңды қолдаған ең белсенді облыстардың қатарында тұрғанын да атап өтті. Дауыс берген өлке жұртшылығының 92% астамы жаңа Конституцияны қолдады. Қазақ елі сан ғасыр бойы бірегей Дала заңымен өмір сүрді. Құқықтық мемлекет құру – айбынды бабаларымыздың қастерлі мақсат-мұраты. Жаңа Конституция сол заңдардың тарихи жинақтарына сүйеніп, қазіргі заманғы сын-тегеуріндерге жауап беретін жаңа сипаттағы жалғасы. Қасым-Жомарт Тоқаев Негізгі заңның басты мақсаты - еліміздің Тәуелсіздігін, егемендігін, аумақтық тұтастығын сақтау, сондай-ақ азаматтардың құқықтары мен бостандықтарын қорғау екенін тілге тиек етті. Түркістан дамудың даңғыл жолына түсті. Еске салайық, бір жыл бұрын шаһардың ерекше мәртебесі заң жүзінде бекітілген болатын. Алда маңызды халықаралық оқиға Түркі мемлекеттері ұйымы көшбасшыларының саммиті өтеді.
Қасым-Жомарт Тоқаев, Қазақстан Республикасының Президенті:
- Мамыр айының ортасында Түркістанда Түркі мемлекеттері ұйымының аясындағы тиісті мемлекеттер басшыларының ең жоғары деңгейдегі жиыны жоспарланып отыр. Бұл – қазіргі әлемдегі құбылмалы ахуалда өткізілетін өте маңызды халықаралық шара. Үкімет пен әкімдік осы жиынды мінсіз ұйымдастыруға мән беруі керек.
Мемлекет басшысы сондай-ақ өңірде кеңінен тойланған Наурыз мейрамына қатысты. Мұнда Президент облыс жұртшылығымен әңгімелесіп, мерекелік бағдарламаны тамашалады.
1. Жасанды интеллектті қолданасыз ба?
Сондай-ақ
