Еліміздің түрлі этнос өкілдері де Ұлыстың Ұлы күнін ұлықтады. Қазақстан халқы Ассамблеясының алаңы Наурыз мейрамында өнердің ордасына айналды. Мұнда қаз-қатар киіз үйлер тігіліп, алтыбақан орнатылды. Қонақтар дастарханнан дәм татты. Түрлі этнос өкілдері ұлттық тағамдарын ұсынды. Салт-сананың үлгілерін көрсетіп, дәстүрді жаңғыртты. Этномәдени орталықтар бар сән-салтанатымен үлттық киім үлгілерін паш етіп, әуенді де әуезді бағдарламада дәстүрлі әндерін шырқап, биден шашу шашты.
Тілеген Садыков, Қазақстан халқы Ассамблеясының мүшесі:
- Бұл жерде дініне, діліне, тіліне қарамай, барлық ұлттар үшін ортақ мереке. Бұл жерге тек Шығыс халқы, яғни мұсылман халықтарының өкілдері емес, Еуро халықтарының өкілдері де олардың елшілері де келіп жатыр. Олар Қазақстанда тұрғандықтан елдің дәстүрін сыйлағандықтан, бұл мерекенің барлығы жалпы ұлттық мереке деп қабылдайтынына ешқандай күмән келтіруге болмайды.
Ал спорттық алаңда гір көтеру, қол күрес, қазақ күресі, арқан тарту, асық ату ұлттық ойындарынан жарыс өтті.
Саламат Ақиқат, жарысқа қатысушы:
- Асық ату ол шеңберге 15,16 асықты қояды. Сақа алып алып оны атасың. Ол шеңберден шықпай қалса оны табанға өлшейсің. Егер қадам болмаса, 5 қадам артқа жылжып тағы атасың, егер табан болып тұрса, оны шеңберден шығару үшін атуға тырысасың.
1. Жасанды интеллектті қолданасыз ба?
Сондай-ақ
