Халық кеңесі – қоғам мен биліктің жаңа диалог құратын алаңы. Бұл орган бұрынғы Қазақстан халқы Ассамблеясы мен Ұлттық құрылтай тәжірибесіне сүйенеді. Дегенмен, оның құзыреті кеңейтілген. Яғни, ол заңдарды ұсынуға, референдум бастамасын көтеруге және ішкі саяси мәселелер бойынша ұсыныстар беруге құзыретті. Алматыда жаңа Конституция жобасын талқылауға жиналған мамандар осыны атап өтті. Сарапшылардың пайымынша, Халық кеңесі туралы бөлімі қоғамдағы бірлік пен түсіністікті нығайтуға бағытталған.
Әсел Назарбетова, ҚР Президенті жанындағы Қазақстанның стратегиялық зерттеулер институтының Алматы қ. өкілдігінің басшысы:
- Қазіргі таңда қоғамды жаңғыртуды,
өзгертуді талап ететін сыртқы жағдайлар бар. Сонымен бірге, Халық кеңесі
аясында топтастырылып, жүйеленуі тиіс қоғамдық сұраныстар да жеткілікті. Бұл Парламент
пен Құрылтайдан ерекшеленетін, қоғамдағы өзгерістерге жедел кері байланыс бере
алатын институт болады. Яғни, туындаған өзекті сұрақтарға шапшаң әрекет етіп,
тиісті мемлекеттік органдарға бастама көтеруге мүмкіндік береді.
1. Жасанды интеллектті қолданасыз ба?
Сондай-ақ
