Мәжіліс төрағасы Ерлан Қошанов бастаған Халықтық Конституциясы үшін Жалпыұлттық коалициясы Жаңа Негізгі заң жобасының ережелерін түсіндіру мақсатында өңірлерде ауқымды ақпараттық науқанды жалғастыруда. Кезекті кездесу Түркістан облысында өтті. Қозғалыс өкілдері алдымен өңірдің локомотив депосының теміржолшыларымен жүздесті. Жиында тұрақты жұмыспен қамту, қауіпсіздік және еңбек адамына құрмет көрсету мәселелері сөз болды. Кездесуге қатысушылар мамандарды қолдау – саланың тұрақты дамуының маңызды шарты екенін атап өтті. Бұдан кейін делегация «Шаға» индустриялық паркіне, аттас ауылға, сондай-ақ Түркістан қаласына ат басын бұрып жұртшылықпен тілдесті. Коалиция мүшелері азаматтармен өнеркәсіпті дамыту және бизнесті қолдау мәселелерін талқылады. Сондай-ақ, алдағы референдум жөнінде пікір алмасып, тарихи дәстүрлер мен рухани құндылықтардың ел бірлігін нығайтудағы және мемлекеттің одан әрі дамуына ықпал етудегі маңызына тоқталды.
Рухабза Халдарбек, «Дара ұрпақ» қоғамдық қорының директоры:
- Жалпы, бүгінгі таңда қоғамда кеңінен талқыланып жатқан жаңа Конституцияға
өз ой-пікірімді қосқым келеді. Әрине Конституцияда бап көп. Бірақ, отбасы
істер, осал топтағы әйелдер мен балалардың мүмкіндіктерін арттыру бағытында
жұмыс жасайтын маман ретінде мен үшін 30-шы бап ол ерекше. Себебі, жаңа
Конституцияда отбасы ұғымы анық көрсетілген. Бұл жерде ең бастысы ана әке және
отбасы мемлекет қорғауында болады деген мұндай үштік біздің мемлекеттің
тұрақтылығын сақтау.
1. Жасанды интеллектті қолданасыз ба?
Сондай-ақ
