5 жылда Қазақстандағы электронды сауда көлемі 7 есе өскен. Өткен жылы бөлшек сауданың жалпы көлеміндегі e-commerce үлесі 14 % яғни, 3 трлн теңгеден асқан, мамандар биыл бұл көрсеткіш 15% жоғары болады деп болжап отыр. Сауда министрлігі электронды алыс-беріс көлемін 2029 жылға қарай 18,5% жеткізуді көздеп отыр. Бұл туралы сауда және интеграция министрлігінің ішкі сауданы дамыту департаментінің директоры мәлімдеді. Аңсар Оразалиевтің айтуынша, елдегі электронды коммерцияның дамуы ақша айналымының цифрлық форматқа өтуімен, жеке қаржы технологияларының дамуы және интернет қызметтеріне қолжетімділікпен байланысты. Сонымен қатар, сауда-саттықтың бұл түріне маркетплейстердің кең таралуы ықпал етті.
Аңсар Оразалиев, Ішкі сауданы дамыту департаментінің директоры:
– Маркетплейстардағы саудагерлер санының өсуі байқалады. Айталық, бір тауар аталымы бойынша әртүрлі маркетплейстарда бірнеше сатушы өзара бәсекеге түсіп жатыр. Бұл осы электронды сауда алаңдарына орта баға сегментіндегі сатушылардың көптеп келуімен байланысты. Қазіргі таңда оларға өз алдына жеке сайт жасаудың орнына қолданыста бар маркетплейстарға ұсыныс жариялап, осы сауда алаңының мүмкіндігін пайдаланған тиімді. Алдағы уақытта сатушылардың саны бұдан да арта түседі және олар электронды сауданың басымдықтарын қамтамасыз ететін жаңа тәсілдер қолдана бастайды.
Айта кетелік, ел аумағында 2027 жылға дейінгі электронды сауданы дамыту жоспары іске асырылып келеді. Бұл аталмыш секторға жаңа мүмкіндіктер ұсынып отыр. Қазақстанадық маркетплейс кәсіпкерлеріне Қытайтан тура тауар алдыруға жол ашатын жаңа В2В жобалар әзірленді. «Қазақстанда жасалған» қосымшасы арқылы интернет алаңдар мен кәсіпкерлерге қолдау көрсетіледі. Бұдан бөлек, Астана мен Алматыда фулфилмент және электронды тапсырысты жөнелту орталығының құрылысы қолға алынды.
1. Жасанды интеллектті қолданасыз ба?
Сондай-ақ
