Қазақстан Еуропамен салыстырғанда су ресурстарын цифрландыру ісін екі есе
жылдам жүргізіп жатыр. Республиканың бұл саладағы жұмысын шетелдік сарапшылар
жоғары бағалады. Атап айтқанда, БҰҰ даму бағдарламасының су ресурстарын басқару
жөніндегі халықаралық кеңесшісі Хьюберт Лор салалық мекемелердің өзара тиімді
әрекеті мен жаңа инновацияларға ашықтығына жоғары баға берді. Айта кетелік,
бүгінде су ресурстарының ұлттық ақпараттық жүйесі әзірленіп жатыр. Сондай-ақ,
суармалы су беру бойынша электрондық шарт жасасу жүйесіне пилоттық сынақ
жүргізіледі, өзен ағынын модельдеу және болжау жүйелерін қамту ұлғаяды.
Хьюберт Лор, БҰҰ даму бағдарламасының су ресурстарын басқару жөніндегі
халықаралық кеңесшісі:
– Менің бұл елде көргеніммен Еуропадағы жағдайды салыстырсақ, бұл
процесстерге екі есе көп уақыт жұмсалатын еді. Мен қазақстандық тараптың су
ресурстарын басқару ісіне сандық технологияларды енгізуге қаншалықты ынталы
екенін көріп таң қалдым. Мұнда бұл үшін қолайлы орта жасалған. Су ресурстары
және ирригация министрлігі, министр, вице-министрлер мен департаменттер бір
бағытта жұмыс істейді және алдарына ортақ мақсат қойған.
1. Жасанды интеллектті қолданасыз ба?
Сондай-ақ
