Қазақстанда автономды көліктерге қызмет көрсететін мамандарды даярлау орталығы ашылды. «SMART Driving Technology» бұл қазақ-қытай әріптестігі аясында жүзеге асқан бірегей жоба. Заманауи инженерлер орталығы Өскемен техникалық университетіндегі Лу Бань шеберханасының қабырғасында құрылды. Ғылым және жоғары білім министрлігінің дерегінше, стратегиялық алаңда сенсорлық жүйелер мен жасанды интеллект және цифрлық басқару платформалары саласындағы әзірлемелер шоғырланбақ. Бұл өңірдің ғылыми-технологиялық әлеуетін арттырып, халықаралық ынтымақтастықты кеңейтуге және отандық индустрияға тың серпін береді деп күтілуде. Жаңа SMART-технологиялар мамандықтары жергілікті және шетелдік талапкерлер үшін ЖОО-ның тартымдылығын арттырады.
Гүлзат Көбенова, ҚР Ғылым және жоғары білім вице-министрі:
- Сондықтан біз осы инжинирингтік орталық базасында білім беру ғана емес, ғылыми жобалар да іске асырылуын қалаймыз. Бұл бізді одан да жоғары халықаралық деңгейге шығарар еді.
Мұрат Мұздыбаев, Д.Серікбаев атындағы ШҚУ профессоры:
- Осы студенттер осы негізгі базада технологиялармен танысып, жаңа дағдыларды үйреніп, білім алады. Олар бітіргесін жұмысқа бірден қосылады. Өйткені оларға сұраныс жоғары. Біз осы сұранысқа даярмыз.
1. Жасанды интеллектті қолданасыз ба?
Сондай-ақ
