Қазақстанда реформалар мен жаңа технологиялар қарқын алды

Қазақстан жаңғыртудың жаңа кезеңіне қадам басты. Реформалар ұзақ мерзімді нәтижелерге жұмыс істеуі тиіс. Бұл туралы Қасым-Жомарт Тоқаев Turkistan газетіне берген сұхбатында айтты. Сарапшылардың айтуынша, 2025 жылдың макроэкономикалық қорытындылары елдің таңдаған бағыт-бағдары айқын екенін растайды. Президент жаңа жұмыс орындары мен өңірлердің өсу көздері ретінде көлік-логистикалық әлеуетті және агроөнеркәсіптік кешенді дамытуға назар аударды. Ел сандық жаңғыруға басымдық беріп келеді. Мемлекет басшысы биыл цифрландыру және жасанды интеллект жылы деп жариялады.  Жаңа технологиялар адам капиталының өнімділігі мен сапасын арттыруы тиіс.

Анна Альшанская, ҚСЗИ Экономикалық саясатты талдау бөлімінің басшысы:

- Менің ойымша, жалпы біздің әлеуметтік саясатымыз, адами капиталды дамыту жөніндегі саясатымыз экономикалық дамудың ұлттық басымдықтарымен байланыстырылуы тиіс.  Яғни, цифрландыру және жасанды интеллект бүгінде барлық дерлік салаларды қамтып отыр. Сондықтан жасанды зейін адам капиталының өнімділігі мен сапасын арттырудың негізгі факторына айналуы тиіс.

Ауыл шаруашылығы стратегиялық бағыттардың бірі. Бұл азаматтардың әл-ауқатымен тікелей байланысты маңызды сала. Президент Turkistan газетіне берген сұхбатында агроөнеркәсіп кешенінің тиімділігін арттыру және ауыл шаруашылығы кооперациясына қайта оралу қажеттігін алға тартты. Қасым-Жомарт Тоқаевтың айтуынша, салаға мемлекеттік қолдаудың едәуір көлемі бағытталуда. Басты міндет - олардың барынша қайтарымын қамтамасыз ету және экспорттық әлеуетті арттыру.

Ақпар Мәуленов, Қазақстан фермерлері қауымдастығы басқарма төрағасының орынбасары:

- Қазір Ауыл шаруашылығы министрлігі мал шаруашылығын дамытудың 2030 жылға дейінгі кешенді жоспарын әзірлеуде. Біз өз ұсыныстарымызды бердік. Әсіресе, премьер-министрдің мал шаруашылығын дамыту және ет экспорты бойынша шаралар қабылдау туралы тапсырмасынан соң,  талқылайтын көп нәрсе бар. Мен алда өзгерістер болады деген ойдамын. Президент өсімдік шаруашылығында ілгерілеу бар екенін айтты, шынымен де біз биыл мол астық жидық – экспорттауға дайынбыз, көптеген өнім түрлері сыртқа жөнелтіледі.

Веб-редактор: Нұрбек Балгүл Қайрошқызы