Парламент Сенатының Төрағасы Мәулен Әшімбаев жаңа Конституцияға байланысты республикалық референдумда дауыс берді. Палата Спикері өз таңдауын Ұлттық кітапхана ғимаратында орналасқан дауыс беру учаскесінде жасады. Мәулен Әшімбаев саяси науқанның тарихи мәніне тоқталып, әр дауыстың маңызды екенін және ол жоғары азаматтық жауапкершіліктің айқын көрінісі саналатынын атап өтті.
Мәулен Әшімбаев, ҚР Парламенті Сенатының төрағасы:
- Биліктің бастауы халық. Сол себепті бүгін біздің азаматтарымызға осы құқықтарын жүзеге асыруға бір жағынан, екінші жағынан мемлекетіміздің стратегиялық дамуына қатысты өздерінің пікірлерін білдіруге мүмкіндіктері бар. Сондай-ақ бүгін біз Президентіміздің «Халық үніне құлақ асатын мемлекет» тұжырымдамасының жүзеге асырылуының тағы бір көрінісін көріп отырмыз.
Саяси науқанға қатысу – ел болашағы үшін маңызды қадам. Қазақстанның жаңа Ата заңын қабылдау жөніндегі референдумда дауыс берген соң Мәжіліс төрағасы Ерлан Қошанов осылай деді. Төменгі Палата спикері өз таңдауын Астанадағы №128 учаскеде жасады. Ерлан Қошанов референдумның әділ әрі ашық өтетініне сенімін білдірді.
Ерлан Қошанов, ҚР Парламенті Мәжілісінің төрағасы:
- Біз еліміздің, халқымыздың болашағын бүгін айқындап жатырмыз. 15-ші наурыз біздің Қазақстанның тарихындағы ерекше орын алатын тарихи күн болады болашақта деп, мен ойлаймын. Референдумның әділ, таза, ашық өтетініне менің күмәнім жоқ. Себебі біз ел елді аралап келдік, халықтың көңіл күйін жақсы көріп отырымыз бүгінгі күнде, қолдауын сезіп отырмыз.
Премьер-министр Олжас Бектенов жаңа Конституцияны қабылдау жөніндегі референдумда дауыс берді. Ол елордадағы Дінмұхамед Қонаев атындағы №66 мектеп-лицейінде орналасқан №130 сайлау учаскесінде болды. Бұл учаскеге Есіл ауданының тұрғындары дауыс беруге келе алады, шамамен 3 мыңға жуық адам.
1. Жасанды интеллектті қолданасыз ба?
Сондай-ақ
