Шаффофлик,
очиқлик ва овоз бериш жараёнларига риоя этилишини таъминлаш. Қозоғистондаги
референдумга тайёргарлик жараёнида бу нарсаларга алоҳида эътибор қаратиляпти.
Унда халқаро кузатувчиларнинг иштироки ўта муҳим. Бунинг учун тажрибали
экспертлар ва аналитиклар жалб қилинган. Жорий кампания учун Қозоғистонда 38
давлат ва 11 та халқаро ташкилотдан 359 кузатувчи аккредитация қилинди. Улар
мамлакатнинг янги Конституцияси улкан салоҳиятга эгалиги, жамиятнинг замонавий
талабларигажавоб беришини таъкидлашди.
Уэсли Александер
Хилл, халқаро кузатувчи /АҚШ/:
- Аввалроқ, 2023
йилда ўтказилган Қозоғистондаги парламент сайловларида кузатувчи бўлганман.
Шунингдек, Евроосиёнинг бошқа давлатлари, Африка, Лотин Америкаси ва АҚШда
ишладим. Ҳар қандай сайловларни кузатарканман, нима одамларни овоз беришга
ундашига эътибор қиламан. Шунингдек, сайлов ташкил этишда қатнашаётганлар,
масалан, сайлов участкаларида ишлаётганлар, жараённи кузатувчилар муддаосига
қизиқаман.
Альберто
Туркстра, халқаро кузатувчи Бельгия/:
- Бугунги референдум
Қозоғистон институтларини мустаҳкамлаш бўйича олиб борилган узоқ муддатли
жараённинг якуни, дейиш мумкин. Ўз ишимда мен биринчи навбатда фуқаролар
иштирокига эътибор бераман. Одамлар ўзларини бу жараёнларнинг бир қисми
сифатида ҳис этиши жуда муҳим. Айниқса, ёшлар ва аёлларнинг, жамиятнинг барча
қатламлари вакилларининг, шу жумладан, ногиронларнинг иштироки аҳамиятли. Жараён
инклюзив бўлиши зарур.
Абдумалик Сарманов таржимаси
Ўхшаш янгиликлар
