Астанада ғаройиб
арча ўрнатилди. «Ўрмон гўзали» пойтахт марказида, Байтерек монументи яқинида
қўр тўкиб турибди. У миллий қуроқ-кўрпа услубида безатилган. Арчага 50 нафардан
зиёд чеварлар тўқиган 100 тадан зиёд ўйинчоқ осилди. Улар қаторида Янги йил
қаҳрамонлари, бошқа турли сеҳрли персонажлар бор. Ташкилотчилар таъкидлашича, ўзига
хос арча арт-объект сифатида Астана безагига айланди, айни вақтда, қозоқ
анъаналарига асосланган креатив саноат ривожланаётганини намойиш этди.
Рахима Мукушева, ташкилотчи:
– Биз касб-ҳунар, ижод
қувонч, яхши кайфият, эзгулик, табассум, инсонларнинг илиқ кафтлари олиб
келишини кўрсатишга ҳаракат қилдик. Бу лойиҳа 3, ва ҳатто 4 авлод вакилларини
ўзаро боғлайди. Унда эваралари билан шуғулланган момолар ҳам қатнашди. Биз
мазкур лойиҳа орқали одамлар аждодлар эзгуликларини такрорлай олишини
кўрсатишни истадик. Қуроқ кўрпа услубидаги арчалар бутун дунёда қад ростласа
қанийди. Бу нарсани хаёл қилганимизга 5 йил ўтгач у амалга оширдик. Умид
қиламанки, келаси йиллардан бошлаб бутун Қозоғистон миқёсида одамлар шундай
ўйинчоқлар ясай бошлайди.
Асем Зейнолла, иштирокчи:
- Мен айиқча, қуёнчаларни
болалар учун ўзим тўқидим. Қувониб қолишсин, завқланиб ўйнашсин, дедим. Тўқиш
фақат бувиларнинг иши эмас. У хоббига ўхшаш нарса, асабларни тинчлантиради. Яхши
ният билан тўқисангиз илиқ бўюмлар пайдо бўлади. У хотира ва ажойиб сониялар
беради. Қалбингиз эзгулик ҳис этади.
Абдумалик Сарманов таржимаси
Ўхшаш янгиликлар
