OPEC Казакстандагы долбоорлорго 400 млн доллар бөлөт

Казакстан Сенаты Өкмөт менен ОПЕК Эл аралык өнүктүрүү фондунун ортосундагы «Жеке сектордогу операцияларды уюштуруу жөнүндө алкактык макулдашууну ратификациялоо тууралуу» мыйзамды жактырды. Фонд 50 жыл ичинде дүйнөнүн 125 өлкөсүндө 4 миңден ашык долбоорду ишке ашырып, жалпы суммасы 30 млрд доллардан ашык каражат бөлдү. Акыркы 20 жылда Борбордук Азия өлкөлөрүнө 1,4 млрд доллардан ашык инвестиция тартылган. Мыйзамдын нормалары менен Казакстандын аймагында ОПЕК фонду толук юридикалык жак катары таанылып, ага эл аралык уюмдарга ыйгарылуучу иммунитеттер жана артыкчылыктар берилди.

Сакен Арубаев, Парламент Сенатынын депутаты:

- Бул – рыноктук шарттарга салыштырмалуу, өзгөчө капиталды көп талап кылган жана узак мөөнөттүү долбоорлор үчүн өтө ыңгайлуу шарт болуп эсептелет. Мындан тышкары, ОПЕК фондунан бөлүнгөн каражаттын жумшалышы жана инвестициялык программаларынын аткарылышы катуу көзөмөлдө болору макулдашылган. Мыйзамды кабыл алуу каржы тартуу булактарынын кеңейишине, араб өлкөлөрүнүн эл аралык каржы институттары менен кызматташтыгынын чыңдалышына, инвестициялык абалдын жана өлкөнүн эл аралык беделинин жогорулашына мүмкүнчүлүк берет.

Которгон: Илгиз Жамалбеков

Веб-редактор: Айнұр Досан