Елімізде бесінші жыл қатарынан Ұлттық құрылтай өтіп жатыр. Ол нақты ұсыныстар
талқыға түсетін беделді алаң ретінде өз тиімділігін көрсетті. Құрылтайда
қабылданған шешім заңдар мен мемлекеттік бастамаларға, әлеуметтік өзгерістерге
негіз болмақ. Ұлттық Құрылтай құру туралы Жарлыққа Қасым-Жомарт Тоқаев 2022
жылдың маусым айында қол қойған болатын. Ұлытауда тілдік саясат, мемлекеттік
аппараттағы кадр даярлаудан бастап тарихи мұраны қорғауға дейінгі көптеген қоғамды
ілгері дамытушы идеялар айтылған еді. Бірінші құрылтайдың нәтижесінде Республика
күні ұлттық мереке ретінде қалпына келтірілді. Араға жыл салып, Ұлттық
құрылтайдың екінші отырысы Қазақстанның рухани астанасы - Түркістанда өтті.
Мұнда үш шекаралық аудан - Қатонқарағай, Марқакөл және Мақаншыны қалпына
келтіру туралы шешім қабылданды. Сондай-ақ, мемлекеттік рәміздерді жетілдіру,
мәдени мұраны сақтау, жастарға білім және тәрбие беру мәселелеріне ерекше назар
аударылды.
Жанарбек Әшімжанов, ҚР
Парламенті Мәжілісінің депутаты:
- Түркістан құрылтайында Мемлекет басшысы «Кітап оқитын ұлт» деген үлкен консепцияны жариялады. Осы консепцияны мен енді арнайы топ құрып, әр бағыт бойынша механиз жасақтап шықтық. Қазір үш облыста Қостанай облысы, Қарағанды облысы және Шымкент қаласында осы кітап оқитын ұлттың нақты механизі мен жоспарлары жүзеге асырылып, пилоттық жоба ретінде 2025 жылдың қыркүйегінде бастап кеттік.
2024 жылы Атыраудағы отырыс қорытындысы бойынша 9 заң қабылданды. Бұл
қатарда – әйелдердің құқықтары мен балалардың қауіпсіздігін қамтамасыз етуге,
сондай-ақ ойынқұмарлыққа қарсы күреске бағытталған құжаттар бар. Ал былтыр Бурабайда
өткен бас қосуда цифрландыру мен жасанды интеллект, энергетика, көлік, туризм
мен ғылымды дамытуға баса назар аударылды. Яғни, қоғамның өмірін жақсартуды
көздейтін салалар толық қамтылды. Алматы мен Курчатов маңында ғылыми қалалар
құру туралы шешім шығарылды.
Кәрімбек Құрманәлиев, ҚР Ұлттық ғылым академиясының
академигі, Ұлттық құрылтай мүшесі:
- Бұл енді «ғылым және жаңа технологиялар» заңдарының қабылдануы. Жалпы білім мен ғылымды екінші орынға қойған ел ешқашанда бірінші орынға көтеріле алмайды деген қағидатты қаперіне алған Мемлекет басшысы Қасым-Жомарт Кемелұлының ғылымды, білімді дамытуға деген көзқарасының өте жақсы екенін, бізге көмек беріп жатқанын айтамыз. Бұрын қоғамдық ұйым болып қалған Ұлттық ғылым академиясы қазір Президенттің жанындағы Ұлттық ғылым академиясы болып жаңа мәртебе алды.
1. Жасанды интеллектті қолданасыз ба?
Сондай-ақ
