Қызылордада V Ұлттық құрылтай басталды

Қызылордада Бесінші Ұлттық құрылтай басталды. Форумның алғашқы күнінде төрт панельдік секция отырысы өтті. Сарапшылар әлеуметтік-мәдени саладан бастап ғылым мен білімге дейінгі Қазақстан дамуының негізгі бағыттарын талқылады. Мұнда еліміздің барлық өңірлерінен делегаттар келген. Олардың қатарында депутаттар, мемлекеттік қызметкерлер, кәсіпкерлер, ғалымдар мен өнер қайраткерлері бар.

Саясат Нұрбек, ҚР Ғылым және жоғары білім министрі:

- Ғылыми зерттеу жобаларды өндіоріске дайындап беру жобалары болмаған тұғын, сондықтан, қазіргі таңда, бірінші, Үкіметтің тұжырымдамасы бекітілді. Өткен жылдың соңында. Үш ғылыми қалашық белгіленді. Ол Курчатов қаласы, және Ядролық физика институты Алматының жанындағы Алатау және Назарбаев Университетінің жанындағы үлкен 45 гектарлық парк. Қазір Мәжіліске тиісті заң жобасы кірді. Биыл шығып қалады. Сондықтан осындай қызық, жаңа құрал Қазақстанда осы жылдан бастап жүзеге асырылатын болады. 

Айта кетейік, Ұлттық Құрылтай отырысының екінші күні Президент Қасым-Жомарт Тоқаевтың төрағалығымен өтеді. Онда қорытынды жасалып, дамуға бағытталатын шешімдер айқындалады. Естеріңізге сала кетейік, Ұлттық Құрылтайдың құрылуына Президент бастама көтеріп, жаңа институт 2022 жылдың маусымында іске кіріскен еді. Содан бері жыл сайын алқалы жиын өткізіліп келеді. Біріншісі Ұлытауда, кейін Түркістан, Атырау және Бурабайда өтті. 

Веб-редактор: Айнұр Досан