Халықаралық бақылаушылар өз миссияларының қорытындысын
шығарады. Түркі мемлекеттерінің Парламенттік ассамблеясының өкілдері
Қазақстандағы референдумға дайындық пен оны өткізу барысын жоғары бағалады. Сондай-ақ,
учаскелерге азаматтардың көптеп келуін атап өтті, бұл қазақстандықтардың
елімізде жүргізіліп жатқан реформаларға үлкен қызығушылығын білдіреді. Делегация
басшысы Осман Местен мүмкіндігі шектеулі азаматтар үшін дауыс беруге
қолжетімділікті арттыруға жол ашатын ақпараттық жүйелер енгізілгенін атап өтті.
Бұл баршаға дауыс беруге тең және қолайлы жағдай жасады. ТҮРКПА өкілдері 115
референдум учаскесінде болып, олардың ашылуына, халықтың өз таңдауын жасауына
және дауыс санағына мониторинг жүргізді.
Осман Местен, ТҮРКПА Парламенттік ассамблея
делегациясының басшысы, Түркияның ұлы ұлттық жиналысының мүшесі:
- Миссия қызметінде әділдік, объективтілік, тәуелсіздік,
ашықтық және сайлау процесіне араласпау қағидаттарын басшылыққа алдық. Байқау
қорытындысы бойынша миссия Қазақстанда конституциялық референдум ұлттық
заңнамаға және халықаралық стандарттарға сәйкес өткізілді деген қорытындыға
келді.
Түркі мемлекеттері ұйымының миссиясы Астанадағы 31
учаскеде болды. Ұйым бақылаушыларының айтуынша, олар әкімшілік немесе құқық
қорғау органдарының араласуын тіркемеген, бұл процестің ашықтығы мен әділдігін
көрсетеді. Түркі мемлекеттері ұйымы миссиясының бақылаушысы Өмер Ходжаманның
айтуынша, конституциялық өзгерістер Қазақстан тарихының жаңа кезеңін бастады,
ал парламентті жаңғырту мен азаматтық қоғам институттарын дамыту тәрізді
өзгерістер бүкіл түркі өңірінің дамуына ықпал ете алатын стратегиялық мәнге ие.
Өмер Ходжаман, Түркі мемлекеттері ұйымы бас хатшысының орынбасары:
- Қазақстан бұл референдумды
өте демократиялық, ашық әрі айқын өткізді. Әрине, жаңа Конституцияда өте
маңызды өзгерістер бар. Енді Қазақстанда бір палаталы жүйе болады және ол
Құрылтай деп аталады. Бұл – біз үшін ортақ сөз, ортақ терминология. Бүкіл түркі
әлемі үшін оның маңызы өте зор әрі құнды.
1. Жасанды интеллектті қолданасыз ба?
Сондай-ақ
