Қазақстанда жер қойнауын пайдалану саласы цифрландырылып, геологиялық ақпарат
жүйелендіріледі. Сәкесінше, саланың инвестициялық тартымдылығы арта түспек. Ел
Сенаты Мемлекет басшысының тапсырмаларын іске асыру бойынша «Жер қойнауы және
жер қойнауын пайдалану туралы» Кодексіне енгізілген түзетулерді мақұлдады. Өзгерістердің
дені жер қойнауын пайдалану құқығын берудің жаңа ережелерін қамтиды. Заң
аясында елімізде электрондық аукциондарды қолдану кеңейтіліп, оларға
қатысушылардың жауапкершілігі күшейтілмек. Ал стратегиялық инвесторлар үшін
қатты пайдалы қазбаларды барлау мен өндіруге басым құқық бекітілді. Шикізатты
қайта өңдеуге қатысты жобалар үшін түрлі жеңілдіктер қарастырылған. Жер
қойнауын пайдаланудың бірыңғай цифрлық платформасы саланың негізгі инфрақұрылымы
болады. Бұл платформаны көмірсутектер бойынша ақпаратты жинауға, сақтауға,
талдауға және өңдеуге арналған Отын-энергетика кешенін басқарудың мемлекеттік
жүйесімен интеграциялау көзделеді. Яғни, жүйеде саланың барлық бизнес үрдістері
толық көрініс табады.
Сағындық Лұқпанов, ҚР
Парламенті Сенатының депутаты:
- Ұлттық геологиялық қызметтің геологиялық ақпаратты басқару жөніндегі оператор ретіндегі мәртебесі заңмен бекітіледі. Ұлттық оператор әртүрлі құрылымдар арасында деректердің қайталануын болдырмай, жер қойнауының мемлекеттік қорының жай-күйін зерделеу жөніндегі мемлекеттің функцияларын орындауға орталықтандырылған және біркелкі жүйеленген тәсілді қамтамасыз етеді. Геология комитетіне ведомстволық бағынысты бұл ұйым жекешелендіруге жатпайды.
1. Жасанды интеллектті қолданасыз ба?
Сондай-ақ
