Қазақстанда шағын және орта кәсіпкерліктің экономикадағы жалпы қосылған құнының үлесі 40% жуықтады. Саланың дамуы қарқын ала түсті. Ел Үкіметі шағын және орта бизнесті қолдаудың жаңа қаржылық тетіктерін кеңейтуді көздеп отыр. Мәселен, бұл бағытта Еуропа қайта құру және даму банкімен бірлескен жоспар әзірленуде. Қазіргі таңда әлеуеті жоғары 20 кәсіпорын іріктелген, 2030 жылға дейін бағдарламаға қатысушылардың саны кемінде 70 жетпек. Осының арқасында алдағы 5 жылда шағын және орта бизнестегі өндіріс көлемі 3 есеге дейін артады деп күтілуде. Сондай-ақ саланы мемлекеттік бақылау жүйесін жетілдіру мақсатында «Таза парақтан» реттеу қағидаты енгізіліп, ескірген нормалар жойылды. Бизнесті дамытуға мүмкіндік беретін 117 құрал тізімі жасалып, оны 222 мыңға жуық кәсіпкер пайдаланған. Биыл іске қосылған «Өрлеу» жеңілдетілген қаржыландыру бағдарламасы 482 млрд теңгеге 1 700 астам бизнес нысанын қаржыландырды. Бұдан бөлек, «Даму» Қоры 2 мыңнан астам кәсіпкерге кепіл болған.
Динара Таженова, ҚР Ұлттық экономика министрлігі департаментінің директоры:
- Биыл «Даму» Қорының базасында кәсіпкерлердің қаржыға
қолжетімділігін кеңейтетін екі кепілдік қоры құрылды. Шағын және орта
кәсіпкерлерге арналған «№1 кепілдік қоры» 7 млрд теңгеге дейінгі жобаларды қамтиды. Ірі инвестициялық жобаларға
арналған «№2 кепілдік қоры» 7 млрд теңгеден жоғары жобаларды қамтиды. Қазіргі
таңда «№1 кепілдік қоры» аясында 2320
жобаға қолдау көөрсетіліп, 410 млрд теңге бөлінді.
1. Жасанды интеллектті қолданасыз ба?
Сондай-ақ
