Астанада 18 мың бала асық ойнады

Астанада Наурыз мейрамына орай ұлттық құндылықтар дәріптеліп, 18 мың бала асық ойнады. Мәдени-спорттық шарада жасанды интеллект элементтері қолданылды. 3000 оқушы арнайы флэшмоб билеп, асықтың «Алшы» пішінін және «Алтын сақа» сөзін бейнеледі. Қала мектептері мен балабақшаларында 15 000-нан астам бала асық атып сайысты. Мәдени-спорттық іс-шараның негізгі мақсаты – ұлттық асық ойынының балаларды дамытуға оң ықпалын насихаттау, оның тәрбиелік мәнін түсіндіру және жас ұрпақтың ұлттық спортқа деген қызығушылығын арттыру.

Ғинаят Сыздықов, Астана қаласы әкімдігінің «Өркен» балалар мен жасөспірімдер дене тәрбиесі орталығының директоры:

- Бүгінгі жүргізуші жасанды интеллект. Іс-шара қалай болуы керек, ұйымдастыру қалай жүруі керек, жасанды интеллектің күшімен өткен шара екенін көрдіңіздер. Осы жердегі 3 мың қатысқан балаға бір мезетте экран арқылы, онлайн арқылы экранға қосылып тұрған басқа мектептер де сол мезетте асығын ойнап кетті. 

Веб-редактор: Нұрбек Балгүл Қайрошқызы