Қазақстанда Alem.Cloud платформасы іске қосылды. Бұл бірегей жүйе ұлттық суперкомпьютер ресурстарын пайдалану бойынша өтінім қабылдайды. Оның мүмкіндіктерін мемлекеттік органдар, ғылыми және білім беру ұйымдары, стартаптар, жеке компаниялар, сондай-ақ Astana Hub резиденттері пайдалана алады. Елдің салалық министрлігі жасанды интеллектіні дамытудың ұлттық міндеттері мен жобалардың стратегиялық маңызын ескеріп, суперкомпьютер ресурстарын бөлу ережелерін әзірледі. Alem.Cloud озық сандық тұғырнамасын пайдаланудың басым бағыттарына мемлекеттік басқару, білім беру, денсаулық сақтау, ауыл шаруашылығы робототехника, киберқауіпсіздік технологиялары кіреді. Сондай-ақ, бұл қатарға мұнай-газ саласы, тау-кен металлургия кешені, энергетика, геология және барлау, көлік пен логистика, өнеркәсіп салалары бойынша қолға алынған тың жобалар енбек. Ұлттық суперкомпьютер есептеу ресурстарының тұрақты әрі үздіксіз жұмысын қамтамасыз етеді. Отандық Alem.Cloud әлемдегі ең қуатты жүйелердің TOP-500 рейтингіне енді. Бұл оның өңірдегі ең ірі есептеу орталығы ретіндегі мәртебесін растайды.
1. Жасанды интеллектті қолданасыз ба?
Сондай-ақ
