Өзбекстанмен шекарада орналасқан «Қазығұрт» және
Түркіменстанмен шектесетін «Темір-баба» өткізу бекеттеріне реконструкция
жасалды. Бұл жұмыс Президент тапсырмасы бойынша шекара маңы инфрақұрлымын кеңауқымды
жаңырту мемлекеттік бағдарламасы аясында атқарылған. Құрылыс барысында өткізу
бекеттерінің қызметі тоқтатылмаған, өткізу көлемі де азаймады. Жолаушылар мен
жүк тасымалы уақыт кестесі арқылы реттеліп отырған. Ал, жаңғыртылған бекеттерде
заманауи технологиялар көмегімен өту уақыты 30 минутқа дейін қысқарып, өткізу
мүмкіндігі күніне мың көлікке дейін жетті. Жалпы алғанда, жаңғыртылған бекеттер
арқылы көлік ағыны 2,5 есе өскен. Осылайша, 2022 жылы шекарадан 640 мың көлік
өтсе, қазір бұл көрсеткіш бір жарыма миллионға дейін артқан. Айта кетелік,
шекара маңы инфрақұрлымын жаңғырту мемлекеттік бағдарламасы Қытай, Өзбекстан және
Түркіменстанмен шектесетін 9 өткізу бекетін қамтиды.
Мәди Тәкиев, ҚР Қаржы министрі:
– Біз «Keden» жаңа ақпараттық жүйесін енгізіп жатырмыз,
ол бұған дейін қызмет атқарған 3 ақпараттық жүйені алмастырады. Барлық жеке
тұлғалар мен көліктер орталықтандырылған тіркеуге алынады. Бізде орталық диспетчерлік
басқарма құрылады, оған барлық қозғалыс жайлы ақпарат келіп түседі. Ал, өткізу
қабілетіне келер болсақ, оның көлемі 6 есе артады. Биыл жаңғыртылған 4 өткізу
бекетінің көмегімен өткізу қабілеті 1,8 млн көлікке жетті.
1. Жасанды интеллектті қолданасыз ба?
Сондай-ақ
