Қазақстан Премьер-министрі Үкіметтің кеңейтілген отырысында Мемлекет басшысы берген тапсырмаларды жүзеге асыру мәселелері бойынша кеңес өткізді. Олжас Бектенов жаңа Ата заң экономиканың сапалы өсу қарқынын арттыра түсуге бағытталып отырғанын атап өтті. Жұмыстың басым бағыттары – табыстың өсуі, инфляцияны төмендету және нақты секторды қолдау. Бұл ретте Ұлттық банкпен бірлесіп, инфляция деңгейін 9-11% дейін төмендету жөніндегі жоспар әзірленеді. 1 мамырға дейін Халық табысын арттырудың 2026-2029 жылдарға арналған бағдарламасы қабылданады. Сондай-ақ бизнесті мемлекеттік қолдау шараларын EGov Business платформасында «бір терезе» қағидаты бойынша дамыту жалғасады. Мемлекеттік басқаруды цифрлық трансформациялауға басымдық беріледі. KazLLM тілдік моделді пайдалануды кеңейту, Aitu мессенджерінің функционалын жақсарту және тасқын су мен өрт қаупі жоғары кезеңдерді болжау бойынша Tasqyn және Talsim жүйелерін біріктіруді тапсырды. Премьер-министр өзге де салалық ведомстволарға осы бағытта бірқатар міндет қойды.
1. Жасанды интеллектті қолданасыз ба?
Сондай-ақ
