Энергетика мен коммуналдық сектор, көлік
және логистикалық инфрақұрлымды жаңғырту, инвестиция тарту, сондай-ақ
ауылшаруашылық және туризм салаларын дамыту. Үкімет отырысы барысында
Премьер-министр Президенттің Turkistan газетіне берген бағдарламалық сұхбатының
қорытындысы бойынша бірқатар тапсырма берді. Олжас Бектеновтың айтуынша,
мемлекет басшысы еліміздің әлеуметтік-экономикалық даму басымдықтарына,
мемлекеттік органдар жұмысының тиімділігін арттыруға және ұлттық жобаларды
жүзеге асыруға ерекше назар аударып отыр. Қасым-Жомарт Тоқаев тұрақты
экономикалық өсімге негіз болатын басым бағыттарды атады. Олжас Бектенов Ауыл
шаруашылығы министрлігінің алдына ет өндірісі мен экспортының көлемін арттыру
жөніндегі ұсыныстар енгізу міндетін қойды, ал Көлік министрлігі мен әкімдіктерге
– теңіз порттарын, әуежайлар мен теміржол вокзалдарын жаңғырту бойынша
міндеттер белгіленді. Энергетика министрлігіне салалық Агенттікпен бірлесіп,
атом энергетикасы саласындағы жобалар бойынша жұмыстарды бақылауда ұстау
жүктелді. Премьер-министр тиісті міндеттердің орындалуына Үкімет мүшелерінің
жеке жауапкершілігін қатаң ескертті.
Олжас Бектенов, ҚР Премьер-министрі:
- Барлық орталық және
жергілікті мемлекеттік органдар, ұлттық компаниялар оларды табысты жүзеге асыру
үшін бар күш-жігерін салып жұмыс жасауы керек. Орынбасарларыма Президент
тапсырмаларының орындалу барысын өз бағыттары бойынша үйлестіруді тапсырамын.
Мемлекет басшысы 2026 жылды Цифрландыру және жасанды интеллект жылы деп
жариялады. Біздің басты мақсатымыз – халықтың тұрмыс сапасын жақсарту үшін
экономиканың барлық салаларында серпінді технологияларды енгізу. Жаңа цифрлық
өнімдердің оң нәтижесін әр азамат сезінуге тиіс.
Олжас Бектенов, Қазақстан сандық шешімдер мен ІТ қызметтерді жасаумен
қатар, отандық АІ өнімді экспорттайтын көшбасшы елдердің қатарына кіруі қажет
екенін алға тартты. Оның айтуынша, Үкімет цифрландыру мен жасанды интеллектті
дамыту бойынша үйлестірілген жұмыс жүргізуі тиіс. Бұл елдегі басқару үрдістерін
жаңартуға, мемлекеттік органдар жұмысының тиімділігін арттыруға, деректерді
өңдеу орталықтарын және сенімді инфрақұрылымдық негіз құруға тың серпін бермек.
1. Жасанды интеллектті қолданасыз ба?
Сондай-ақ
