Солтүстік Арал теңізін сақтау жобасының екінші кезеңін әзірлеу аяқталып
қалды. Онда Көкарал бөгетін қайта құру және теңіз деңгейін Балтық жүйесі
бойынша 44 метрге дейін көтеру көзделген. Бұл жөнінде Үкіметте салалық министр
мәлімдеді. Нәтижесінде ауданы 4 мың шаршы шақырымға жуықтап, көлемі 34 млрд
текше метрге дейін артады. Министрдің дерегінше, теңізді осы белгілерге дейін
толтыру үшін 4-5 жыл қажет. Бұған қоса, Арал-Сырдария бассейнінде, Түркістан
және Қызылорда облыстарындағы суару жүйелерін жаңғырту және автоматтандыру
бойынша 167 жоба қолға алынбақ. Сонымен бірге, өңірде су үнемдеу технологиялары
белсенді енгізіліп келеді. Сондай-ақ көршілес елдермен траншекаралық су көздері
бойынша ынтымақтастық аясы кеңейтілуде. Айта кетейік Мемлекет басшысы Қасым-Жомарт Тоқаев Ұлттық құрылтайдың V
отырысында Солтүстік Арал теңізін сақтау мәселесін көтерген еді.
Нұржан Нұржігітов, ҚР Су ресурстары және ирригация министрі:
- Арал теңізін сақтау мәселесі мемлекеттік су саясатының басым
міндеттерінің бірі болып қала береді. Былтыр Өзбекстан Республикасымен
трансшекаралық су объектілерін бірлесіп басқару және ұтымды пайдалану туралы
келісімге қол қойылды. Бұл келісім – он жылдық келіссөздердің нәтижесі.
Осылайша, Қазақстан көршілес мемлекеттердің барлығымен трансшекаралық су
мәселесі бойынша құқықтық база қалыптастыруды аяқтады. Осы құқықтық негізде
екіжақты комиссиялар құрылып, тұрақты өзара іс-қимыл мен үйлестіру қамтамасыз етіледі.
Олжас Бектенов, ҚР Премьер-министрі:
- Арал теңізінің мәселесі Мемлекет басшысының тұрақты назарында. Су ресурстары
министрлігі осы жылдың 30-шы маусымына дейін Солтүстік Арал теңізін сақтаудың
екінші кезеңін дайындауды аяқтап, жыл соңына дейін қаржыландыру мәселесін, оның
ішінде халықаралық ұйымдар есебінен қаржыландыруды шешуі қажет. Мемлекет
басшысының Біріккен Ұлттар Ұйымының алаңында Халықаралық су ұйымын құруға қатысты бастамасын одан әрі
ілгерілету жөнінде шаралар қабылдау қажет.
1. Жасанды интеллектті қолданасыз ба?
Сондай-ақ
