Қазақстанның әлемдік паспорт рейтингідегі
позициясы жоғарылады. Халықаралық Henley Passport Index ұйымының зерттеуі
бойынша ел 61 орынға жазғасыпты. Қазақ паспорты 78 елге визасыз баруға жол
ашады. Henley зерттеуі азаматтардың қозғалыс еркіндігін бағалап, 227 түристтік
бағыт бойынша 200-ге тарта паспортты талдаған.
Ең қолайлы паспорттар көшін Сингапур бастайды. Бұл елдің азаматтары 192
елге визасыз кіре алады. Одан кейінгі орында Жапония мен Оңтүстік Корея, үздік
үштікке азаматтары 186 елге еркін бара алатын Дания, Люксембург, Испания, Швеция мен Швейцария елдері енген. Сарапшылардың айтуынша, Қазақстанның рейтингтегі
позициясының өсуі елдің халықаралық беделінің нығаюы мен белсенді сыртқы
саясатын көрсетеді. Сарапшылардың айтуынша, 2025 жыл сыртқы саяси сапарларға
толы болды, оның аясында Қазақстан әлемдік саясаттың негізгі орталықтары -
Мәскеу, Бейжің және Вашингтонмен диалог құрды. Бұл өз кезегінде елдің
инвестициялық тартымдылығының өсуіне ықпал етті.
Әсел Назарбетова, ҚР Президенті жанындағы Қазақстанның стратегиялық
зерттеулер институтының алматы қ. өкілдігінің басшысы:
- Қазақстан тұрақты дамып келе
жатқан мемлекет болып саналады, және әлемде мойындалды. Бүгінгі таңда біздің
имиджіміз, елді қарқынды дамып келе жатқан мемлекет ретінде танытты. Мемлекет
басшысының 2025 жылғы барлық сапарларының нәтижесі ел аумағына қомақты инвестиция
тарту болды. Бұл шамамен 70 млрд АҚШ доллары. Яғни, бұл біздің экономика үшін
үлкен олжа. Мұны тек ақшалай пайда деп қарастыра алмаймыз.
1. Жасанды интеллектті қолданасыз ба?
Сондай-ақ
