Қазақстан Мәжілісі цифрлық кодексті қабылдады

Қазақстандықтар жасанды интеллект қабылданған шешімді адамның қайта қарастыруын талап етуге құқылы. Мәжіліс саланың осы және өзгеде жаңашылдықтарын қамтыған Цифрлық Кодекс пен оған екі ілеспе құжатты қабылдады. Кодекс жеке деректердің қауіпсіздігін, цифрлық ресурстардың қолжетімділігін, сандық қызмет көрсетуде экономикалық және қоғамдық мүдде теңгерімін қамтамасыз етуге бағытталған. Оның аясында алғаш рет, заңды күшке ие цифрлық құжат және өздігінен орындалуы міндеттелетін смарт-келісімшарттар ұғымы бекітілді. Жалпы заң мәліметтер экономикасын дамытуға жол ашады. Осылайша, жасанды интелектіні дамытуға қажетті мәліметтермен алмасу, әлемдік нарықпен байланыс орнату көзделген. Депутаттар құжат мемлекеттің цифрлық архитектурасын қалыптастырып, қоғамдық қатынастың барлық саласын қамтығанын алға тартып отыр. Яғни, ол Қазақстан Президенті белгілеген үш жыл ішінде цифрлық ел құру міндетіне сай кең ауқымды доктринаға айналмақ.

Екатерина Смышляева, ҚР Парламенті Мәжілісінің депутаты:

- Бүгінде Қазақстан цифрландыру саласындағы бірқатар халықаралық бастаманы қолдайды және олардың бастамашысы саналады. Кодекстің ережелері адам құқықтарын қорғаудың және цифрлық ортаны реттеудің халықаралық стандарттарына сәйкес келеді. Жоба жұмысына жүзден астам заңгер ғалымдар, азаматтық құқық саласындағы сарапшылар, бизнес өкілдері, ақпараттық қауіпсіздік мамандары қатысты. Біз жобаны талқылау үшін ашық ресурстардан мыңнан астам ұсыныстар алдық.

Веб-редактор: Нұрбек Балгүл Қайрошқызы