Қазақстан май экспортының көлемін 1 млрд долларға жеткізуге ниетті

Қазақстан алдағы үш жылда май экспортының көлемін 1 млрд долларға жеткізуді көздеп отыр. Салалық министрлік осының қамында жол картасын әзірлеген. Бұл ретте отандық өндірушілердің еуропа нарығына шығуын кеңейтудің мүмкіндігі қарастырылған. Жалпы былтыр қазақстандық сұйық майды сыртқа сатудан 837 млн доллар пайда түскен. Бұл тарихи рекорд. Мамандар келесі жылы 850 мың гектар алқапқа күнбағыс егу межеленгенін айтады. Яғни, өңдеу қуатын арттыруға шикізат жеткілікті болмақ.  Бүгінде Қазақстанда май өңдейтін 80 жуық зауыт бар. Ал өнімдер әлемнің 20 астам еліне жеткізіледі. Айта кетейік, Қазақстан күнбағыс майын  ең көп экспорттайтын әлемдік 10 елдің қатарына кіреді.

Нұрлан Құлбатыров, Qaztrade сауда саясатын дамыту орталығы бас директорының орынбасары:

- Бүгінгі таңда Орта Азия елдері, Қытай, Кавказ елдерін алғанда Қазақстан май өнімдерін экспорттау бойынша негізгі ойыншы болып табылады. Межеге жету үшін ең бірінші ауыл шаруашылығы, екінші сауда министрлігінің рөлі бар. Жинаған дақылды әлемдік нарықта сату.

Веб-редактор: Нұрбек Балгүл Қайрошқызы