Халық кеңесі – жаңа қоғамдық диалог алаңы

Қоғамдық диалогқа арналған ауқымды алаң – Халық кеңесі Қазақстан халқы Ассамблеясының рөлін күшейтуді көздейді. Жаңа мемлекеттік институт этностарды, өңірлерді және түрлі қоғамдық топтарды біріктіретін кеңесші платформа ретінде жұмыс істейді. Басты ерекшелік – ол заң шығару бастамасын көтеру құқығына ие болады. Яғни, кеңес мүшелері жаңа нормалар бойынша ұсыныстар енгізіп, мемлекеттік саясатты қалыптастыру үдерісіне тікелей қатыса алады. Сарапшылардың айтуынша, бұл өзгерістер Кеңес жұмысын жүйелеп, тәжірибеге бағытталған сипат береді. Нәтижесінде этносаралық бірлік нығайып, этномәдени бірлестіктердің қызмет тиімділігі артады деп күтілуде. Олар мемлекеттік органдармен тікелей байланыс орнатып, шешімдерге тек диалог арқылы емес, нақты бастамалар арқылы да ықпал ете алады.

Тимур Джумурбаев, «Ассамблея жастары» РҚБ төрағасы:

- Бүгін біз, Қазақстандағы этносаралық қатынастар саласын нығайтудың жаңа институционалдық кезеңі туралы айтамыз. Оның әралуандық бірлік қағидаты мемлекет пен қазақстандық қоғам үшін бұрын да, қазір де, алдағы уақытта да мызғымас құндылық болып қала береді.

Әлішер Сатвалдиев, Парламент Сенатының депутаты:

- Ұлттық құрылтайдың да жұмысы жаңа сатыға көтеріліп отыр. Олардың жұмысын керек етпеу емес, бұл жаға сатыға көтеріліп тұр, сол арқылы мысалы тек қана бір ғана бөлік этностық, басқа да топтармен жұмыс істейтін құрылымдарымыз халықтық тұрғыда Қазақстанның болашағы үшін бір ұйым ретінде қызмет атқаратын болады.

Веб-редактор: Айнұр Досан