Қозоғистон минтақаларида Наврўзнома доирасида кенг кўламли тадбирлар давом этяпти. Сатбаев шаҳрида Бўғирсоқ Fest ташкил қилинди. Марказий майдонда гастрономик шоу ташкил этилди. Ошпазлар 200 килограммдан зиёд хамир ийлади ва бўғирсоқ пиширди. Бирлик, жўмардлик ва дўстлик белгиси сифатида келганларнинг ҳаммасига лазиз таомлар тарқатилди. Шаҳар аҳли ва меҳмонлари миллий либослари билан байрам тароватини яратди. Ташкилотчиларни фикрича, Бўғирсоқ Fest Наврўз руҳиятининг бир кўриниши, у одамларни бир даврага тўплади, атрофни кўклам ифори билан тўлдирди.
Альбина Итекеева, Сатбаев шаҳридан:
- Шаҳримизда шундай тадбир ўтказилаётгани қувонч бағишлайди. Кенг кўламли, қизиқарли, жипслаштирувчи анжуман. Қозоғистон халқини Наврўз байрами билан табриклайман! Баҳор айёми муборак!
Ғарбий минтақаларда ҳам Наврўз байрами тантаналари давом этяпти. Атирауда 5 минг нафар турли ёшдаги ва турли миллат ва элат вакиллари улуснинг улуғ кунини нишонлади. Иштирокчилар қозоқ миллий камзули, чопонини кийганча, халқ урф-одатлари, маданияти ва бой меросига эҳтиром кўрсатди. Тўпланганларга барқут ва шойидан тикилган, миллий кашталар ва нақшлар билан безатилган либослар намойиш қилинди. Аёлларнинг анъанавий бош кийимлари, эркакларнинг тақия ва чарм бўрклари кўзларни қувнатди. Кимешеклар намойиш этган онахонлар фаоллиги кузатилди.
Алмагул Қудайберген,-Атирау шаҳридан:
- Муҳит ажойиб. Халқ кайфиятига мос тарзда об-ҳаво ҳам кўнгилдагидек бўлди. Одамлар истаганидек чиройли ва қувноқ, ажойиб байрам ўтаётганини кўриб турибмиз. Биринчи марта бу тадбирда қатнашяпман.
Абдумалик
Сарманов таржимаси
Ўхшаш янгиликлар
