Премьер-министр
Олжас Бектеновдун төрагалыгы алдында өткөн электр энергетикасын өнүктүрүү
боюнча кеңешмеде Өкмөттө инфраструктураны модернизациялоо жана жаңы
кубаттуулуктарды ишке киргизүү темпи талкууланды. Энергетика министрлигинин
маалыматы боюнча, 2025-жылы электр энергиясын өндүрүү 123 млрд кВт/сааттан
ашкан. Генерациянын негизин көмүр станциялары түзөт – алардын жарымынан көбү,
бирок газ станцияларынын үлүшү да өсүүдө – алардын төрттөн бирине жакыны, ал
эми кайра жаныма энергия булагы – 13 жарым пайыздан ашык. Азыр Казакстанда
масштабдуу инвестициялык планды практика жүзүндө ишке ашыруу башталды. Көлөмү
13 трлн теңгеге жакын болгон 15 ГВттан ашык жалпы кубаттуулуктагы 81 долбоор
иштеп жатат. Экибастуз ГРЭС-3, Курчатовдогу жаңы станция жана Көкшетау, Семей,
Өскемен шаарларындагы ЖЭБди камтыган стратегиялык объектилерди ишке ашыруу
башталды. Жакынкы үч жылда маневрлүү генерацияга басым жасалат – ал Бирдиктүү
энергетикалык системанын ийкемдүүлүгүн жогорулатууга багытталган. Келерки жылы
Казакстан энергия тартыш өлкө болуудан калат, ал эми 2029-жылга карата электр
энергиясынын туруктуу профицити күтүлүүдө. Бул өлкөнүн экспорттук дараметин
жогорулатат.
Которгон: Илгиз Жамалбеков
Oкшош жаңылыктар
