2025-жылы Казакстан аркылуу темир жолдор менен 33 миллион
тонна жүк ташылган. Бир жылдын ичинде ал 20 пайыздан ашык өстү. Бул тууралуу Президент
Касым-Жомарт Токаевге «КТЖ» башкармалыгынын төрагасы Талгат Алдыбергенов өткөн
жылдагы компаниянын ишмердүүлүгүнүн жыйынтыгын чыгарып жатып билдирди. Мында
тарифтик жүк ташуу 10%га өстү. Экспорттук ташуулар да көбөйүп, 90 миллион тоннаны
түздү. Мындан тышкары, жалпы ташуу көлөмү 320 миллион тоннадан ашты. Эске
салсак, Казакстан транспорттук инфраструктураны активдүү өнүктүрүп келет.
Мисалы, Достык – Мойынты тилкесинде ишке киргизилген экинчи жолдор менен 6
миллион тонна жүк же 100 миңден ашык вагон ташылды. Алматы станциясынын темир
жол түйүнүнүн айланма жолу боюнча жумушчу кыймылы да ачылды. Темир жол
инфраструктурасын куруу жана модернизациялоо уланууда - долбоорлордун жалпы
узундугу 3 900 чакырымды түзөт. КТЖда жасалма интеллектти колдонуу менен
санариптик долбоорлор да ишке ашырылууда. Мамлекет башчысы улуттук компанияны
трансформациялоо жана мультимодалдык логистиканы өнүктүрүү боюнча ишти
улантууну тапшырды.
Которгон: Илгиз Жамалбеков
Oкшош жаңылыктар
