Қазақстан Парламенті Сенатының төрағасы Мәулен Әшімбаев жаңа Конституция бойынша өткен республикалық референдумның тарихи маңызын атап өтті. Оның айтуынша, дауыс беру елдің саяси жаңғыруының және Президент Қасым-Жомарт Тоқаевтың мемлекеттік басқару жүйесін жетілдіру бағытының айтулы белесі болды. Жоғарғы палата спикері қазақстандықтардың белсенді қатысуы мен ұсынылған өзгерістерді қолдауы жоғары азаматтық жауапкершілік пен жүргізіліп жатқан реформаларға деген сенімнің дәлелі екенін атап өтті. Халықтың тiкелей ерiк бiлдiруi негiзiнде басты шешiмдердi қабылдау, демократиялық институттарды нығайтады және мемлекеттi басқарудағы азаматтардың рөлiн арттырады. Сондай-ақ, жаңа Конституция Қазақстанның одан әрі әлеуметтік-экономикалық және саяси дамуы үшін қажетті заманауи құқықтық негіз қалыптастыратыны атап өтілді. Құжат мемлекеттік институттардың тиімділігін арттыруға, парламенттік жүйені дамытуға және әділ мемлекет қағидаттарын нығайтуға бағытталған. Мәулен Әшімбаевтың айтуынша, алдағы уақытта жаңартылған Негізгі заңның талаптарынан туындайтын жаңа заңдарды уақтылы қабылдау міндеті тұр.
Мәулен Әшімбаев, ҚР Парламенті Сенатының төрағасы:
- Бұл реформа президентіміз Қасым-Жомарт Тоқаевтың мемлекет басшысы болып сайланғалы бері жүйелі түрде жүргізіп келе жатқан саясатының дәйекті жалғасы. Осындай үлкен бір жұмыстың нәтижесі ретінде халық конституциясы қабылданып жатыр. Алдымызда, жаңа конституциядан туындайтын заңдарды уақытылы қабылдау міндеті тұр. Сондықтан, әрі қарай да бәріміз бірге Президентімізге, елімізге, мемлекетімізге қызмет ете береміз деп сенеміз.
1. Жасанды интеллектті қолданасыз ба?
Сондай-ақ
