Сенат Төрағасы Жетісу облысы мәслихаттарының депутаттарымен, өңір дихандарымен, этномәдени бірлестіктерінің өкілдерімен және жастармен кездесіп, жаңа Конституция жобасының негізгі нормаларын талқылады. Мәулен Әшімбаев конституциялық реформаның стратегиялық әрі тарихи маңызы бар екенін айтып, демократиялық қағидаттарды нығайтуға және саяси жүйені кешенді жаңартуға бағытталғанын атап өтті. Жоғарғы палата Спикерінің айтуынша, адами капиталды, мемлекеттілікті, Тәуелсіздік пен егемендікті нығайту, ішкі саяси тұрақтылық пен қоғамдық келісімді сақтау Конституция жобасының негізгі бағдарлары болып табылады. Ұсынылып отырған өзгерістер мемлекеттік басқарудың тиімді моделін қалыптастыруға және билік институттарының дәйекті түрде өзгеруін қамтамасыз етуге ықпал етеді.
Мәулен Әшімбаев, ҚР Парламенті Сенатының төрағасы:
– Бұл мемлекет басшысының бастамасымен іске асып жатқан жүйелі жаңғыртудлардың келесі маңызды кезеңіне өту жолындағы тарихи қадам. Елдің болашағына қатысты тағдырлы шешімді халық үніне құлақ аса отырып қабылдау, демократияның жарқын көрінісі екені анық. Жаңа Конституцияның жобасында заң мен тәртіп қағидатына азаматтардың мүдделері мен құқықтарын қорғауға және орнықты даму бағдарына баса мән беріліп отыр.
Александр Хильниченко, «Хильниченко и К» командиттік серіктестігінің басқарма төрағасының орынбасары:
- Менің ойымша, бұл реформалар өте уақытылы жүргізіліп жатыр, себебі қазіргі уақытта әлемде жаһандық өзгерістер орын алып жатыр, тиісінше, біздің Отанымыз мұның бәріне лайықты жауап қатуы тиіс. Меніңше, Конституциялық реформа қазіргі әлемдік ахуал мен заманауи өзгерістерге сай жасалып жатыр.
1. Жасанды интеллектті қолданасыз ба?
Сондай-ақ
