Қазақстан мен АҚШ арасындағы сауда-инвестициялық байланыстар жаңа серпін
алуы мүмкін. Президент Қасым-Жомарт Тоқаевтың Вашингтонда америкалық бизнес
өкілдерімен өткен кездесулерде бірқатар нақты бағыттар талқыланды. Сарапшылар
мұндай келіссөздер екіжақты экономикалық әріптестікті күшейтуге жол ашады деп
отыр. Мамандардың елдің халықаралық алаңдағы белсенділігі бейбіт бастамалармен
ғана шектелмейтінін айтады. Қазақстан бір мезгілде ұлттық мүддені қорғап, саяси
ұстанымын нығайтуға күш салып отыр. Сонымен қатар экономикалық ықпалдастықты
арттыру, көлік-логистика бағыттарын дамыту және инвестициялық жобаларды
ілгерілету негізгі басымдықтардың қатарында.
Ерболат Сейлеханов, ҚР Президенті жанындағы Қазақстанның стратегиялық
зерттеулер институтының халықаралық қауіпсіздік бөлімінің бас ғылыми қызметкері:
– АҚШ-тың іскер топтарымен өткен кездесулер сауда және инвестициялық
ынтымақтастықты одан әрі дамытуға негіз болады. Мұндай келіссөздер әрдайым
экономикалық байланыстарды кеңейтуге ықпал етеді. Айта кету керек, кездесулер
тек америкалық кәсіпкерлермен ғана емес, басқа елдердің өкілдерімен де өтті.
Бұл Қазақстанның халықаралық серіктестікті жүйелі түрде дамытып отырғанын
аңғартады. Яғни, біздің өзге елдермен де сауда-экономикалық байланыстың дамуына
тың серпін береді.
1. Жасанды интеллектті қолданасыз ба?
Сондай-ақ
