Бүгін Қазақстанда 10 мыңнан астам дауыс беру учаскесі жұмыс істеуде. Жаңа Конституция бойынша жалпыхалықтық референдумда жас та, кәрі де белсенділік танытуда. Өз таңдауын Қызылорда өңірінің тұрғындары да жасады. Бұл күні 105 жастағы соғыс ардагері Яхия Тасыров азаматтық жауапкершілігін танытты. Осылайша, ғасыр жасаған майдангер өзгелерге саяси науқанда үлгі көрсетті. Қарт жауынгер қоғамдық істен тысқары қалған емес.
Яхия Тасыров, Ұлы Отан соғысының ардагері:
- Референдумға келдім, дауыс бердім. Ел тыныш болсын, халық аман болсын!
Республикалық референдум күні Маңғыстау өңірінің Мұхтаровтар отбасы үшін ақ түйенің қарны жарылған күн. Бүгін таңертең әулиеттің тоғызыншы баласы дүниеге келді. Салмағы төрт келіден асқан, томпақтай ұл туды. Ата-анасы сәбиге ырымдап Ата Заң есімін беруді ұйғарған. Олар ұлдарының тағдыры бай қуатты мемлекетімізді құруға негіз болған Конституция сияқты мықты болатынына кәміл сенеді.
Айнұр Мұхтарова, нәрестенің анасы:
- Қуанышымның шегі жоқ. Бүгін атаулы күнде есімін Ата-Заң қойдық. Бүгінгі күнге келіп тұрғанға солай қойдық атын отбасымызбен ақылдасып.
1. Жасанды интеллектті қолданасыз ба?
Сондай-ақ
