Қазақстан мұнай-газ химиясы саласында терең өңделген өнімдерді сыртқы нарықтарға жүйелі жеткізуін бастады. Бұл негізінен полипропилен, бензол және параксилол. Бұл тың бастама саланың даамуына қарқын қоса түсті. Осының нәтижесінде өнім өндірісінің көлемі 12% өскен. Елдің энергетика министірі бұдан отандық мұнай-химия саласы шикізаттық емес экспорттың жаңа қозғаушы күші ретінде орныққаны байқалатнын алға тартады. Сондай-ақ ел аумағында осы бағытта әлемдік деңгейдегі өндірістік кешендер салынып жатыр. Мәселен Атырау облысында полиэтилен зауытының болашақ пиролиз қондырғысының құрылысы 3-кезеңге жетті. Ал Павлодарда алкил шығаратын кәсіпорынның құрылысы басталды. Ерлан Ақкенжанов елімізде мұнай өңдеу саласын 2040 жылға дейін дамытудың нақты өндірістік бағдары бекітілгенін де жеткізді. Бұл ретте қуаттылықты арттыру, өнім сапасын жақсарту және ғылыми негізделген технологияларға басымдық берілмек. Бұған қоса саланы технологиялық жаңғырту ісі қолға алынды. EnergyTech - отын-энергетика кешенін басқарудың бірыңғай жүйесі енгізілуде. Жобаны толық іске қосу 2027 жылға жоспарланған. Ал бүгінгі таңда 7 сандық сервис нақты режимде жұмыс істеуде.
Ерлан Ақкенженов, ҚР Энергетика министрі:
- Жасанды интеллектке ерекше назар аударудамыз.
Енгізіліп жатқан құралдар өз тиімділігін тәжірибеде дәлелдеп отыр. Нарық
өкілдерімен бірлесіп, саланың қажеттіліктерін анықтап, ЖИ қолданудың нақты
сценарийлерін пысықтап жатырмыз. Негізгі міндеттер – әуе желілерін
дефектоскопиялау және жылу желілерін ішкі диагностикалау. Бұл технологиялар
адам көре алмайтын жасырын зақымдарды анықтауға мүмкіндік беріп, жөндеу
шығындарын едәуір азайтады. Экономикалық әсері ондаған миллиард теңгеге жетеді.
1. Жасанды интеллектті қолданасыз ба?
Сондай-ақ
