Мемлекет басшысы Қырғызстан Президентімен телефон арқылы сөйлесті. Садыр Жапаров Қасым-Жомарт Тоқаевты жалпыхалықтық референдумның табысты өтуімен құттықтап, дауыс беру қорытындысы қазақстандықтардың жаңғыру жолын толық қолдайтынын көрсететінін атап өтті. Қазақстан Президенті Қырғызстаннан байқаушылар қатысқаны үшін ризашылығын білдіріп, конституциялық реформа мемлекеттік басқарудың тиімділігі мен халықтың әл-ауқатын арттыруға бағытталғанын айтты. Тараптар қазақ-қырғыз қарым-қатынасын одан әрі нығайту әлеуетін талқылап, халықаралық күн тәртібіндегі өзекті мәселелер жөнінде пікір алмасты.
Референдумның өтуіне орай әлемдік көшбасшылар Мемлекет басшысының атына
құттықтау жеделхаттарын жолдады. Ресей
Президенті Владимир Путин конституциялық өзгерістер екі ел
арасындағы стратегиялық серіктестікті одан әрі арттыруға септігін тигізетінін
атап өтті. Өзбекстан көшбасшысы Шавкат
Мирзиёев ауқымды жаңғыру елдің тұрақты дамуына ықпал етіп,
халықаралық аренадағы абырой-беделін нығайтатынына сенім білдірді. Әзербайжан Президенті Ильхам Әлиев бұны
Қазақстан тарихындағы жаңа кезеңнің бастауы ретінде сипаттады. Ал Беларусь басшысы Александр Лукашенко жаңа Негізгі
заңның іске асуы елдің гүлденуіне негіз қалайтынын атап өткен. Сербия Президенті Александр Вучич реформалардың
дәйектілігі және тәжірибелік нәтижелеріне тоқталды. Армения Премьер-министрі Никол Пашинян
Қазақстан азаматтарының ел Тәуелсіздігі мен заң үстемдік құратын қоғам құруға
жауапкершілікпен қарайтынын атап өтті. Сондай-ақ құттықтау жеделхаттарын ШЫҰ, ТМД,
ТМҰ, ҰҚШҰ, ЭЫҰ басшылары жолдады.
1. Жасанды интеллектті қолданасыз ба?
Сондай-ақ
