Қазақстан бейбітшілік кеңесіне шақырылды

Дональд Трамп Қазақстан Президенті Қасым-Жомарт Тоқаевты Газа секторы бойынша Бейбітшілік кеңесі құрамына кіруге ресми түрде шақырды. Қазақстанға  жаңа халықаралық ұйымның  құрылтайшы ел мәртебесі ұсынылды. Бұл туралы Мемлекет басшысының көмекші - баспасөз хатшысы Руслан Желдібай мәлімдеді. Оның айтуынша, Қасым-Жомарт Тоқаев әлемдік көшбасшылардың ішінде алғашқылардың бірі болып ресми шақыртуды қабыл  алып, Кеңес құрамына кіруге келісімін растайтын жауап хат жолдады. Президент өз жауабында Қазақстанның Таяу Шығыста берік бейбітшілікке қол жеткізуге, халықаралық қауіпсіздік пен жаһандық тұрақтылықты қамтамасыз етуге өз үлесін қосуға ниетті екенін атап өтті. Айта кетейік, бұған дейін Дональд Трамп Газадағы жағдайды реттеу бойынша АҚШ пен халықаралық ұйымдар өкілдерінің қатысуымен Бейбітшілік кеңесі құрылатынын жариялаған болатын. Сондай-ақ, Дональд Трамптың шақыруымен 2026 жылдың соңында Президент Тоқаев G20 саммитіне қатысады.

Веб-редактор: Нұрбек Балгүл Қайрошқызы