Қазақстан әлемдік экономиканың үздік 50 елі қатарына енді

Қазақстан нақты ЖІӨ өсу қарқынына сәйкес әлемдегі ең ірі 50 экономиканың қатарына енді. Бұл туралы Visual Capitalist порталы жариялаған халықаралық валюта қоры деректері дәлел келтіріп отыр. Өткен жылдың қорытындысы бойынша еліміздің ЖІӨ 300 млрд доллардан асқан. Қазақстан Орталық Азия өңірінен бұл беделді рейтинг тізіміне кірген жалғыз ел екенін айта кету керек. Бұдан басқа республика Қытай, Үндістан, Вьетнам және Бангладешпен бірге нақты ЖІӨ-нің орташа жылдық өсу қарқыны бойынша алғашқы бес елдің қатарына енді. Жыл қорытындысы бойынша отандық экономиканың өсімі 6% асқан. АҚШ даусыз әлемдік экономикалық алып ел болып қалды және бұл көшбасшылықты алдағы көптеген жыл бойы сақтайды деп күтіліп отыр. Ең ірі бес экономиканың қатарына, сондай-ақ Қытай, Германия, Жапония және Үндістан кірді.

Веб-редактор: Нұрбек Балгүл Қайрошқызы