Астана тұрғындары таңертеңнен референдумда белсенді дауыс берді. №155 учаскеде де дауыс берушілердің қарасы қалаың. 18 жасар Әлібек Қызылбаев ерте келгендер қатарынан. Ол үшін республикалық референдумға алғаш қатысу қызықты әрі маңызды оқиға. Жас азамат елдің болашағына жеке үлес қосуды ұйғарған. Қалыптасқан дәстүр бойынша алғаш рет дауыс берушілерге естелік сыйлықтар табысталды.
Әлібек Қызылбаев, Астана қаласының тұрғыны:
- 5 күн бұрын 18-ге толдым, сондықтан мұндай саяси науқанға бірінші рет қатысып отырмын. Менің осы іс-әрекетім еліме аз да болса бір үлес қосатынын және өзімнің болашақ өміріме және бүкіл мемлекетке әсер ететінін түсінемін.
Елордада референдум өткізуге 501 учаске жасақталған. №155 учаскеде студенттер, зейнеткерлер, жас отбасылармен бірге Парламент депутаттары да өз дауыстарын береді.
Асхат Аймағанбетов, ҚР Парламенті Мәжілісінің депутаты:
- Референдум өткізу және жалпы дауыс беру процесі бұл өте жауапты іс, соңғы жылдары бірнеше референдум өткізілгендігін ескерсек, саяси мәдениет, азаматтарымыздың құқықтық мәдениеті тұрғысынан аса маңызды оқиға депсанаймын. Саяси мәдениетті дамыту үшін азаматтардың белсенділігі қажет, жалпы алғанда, азаматтардың өздері шешім қабылдауы, ең маңызды, ең тағдырлы шешімдерге дауыс беруі, бұл біздің еліміздің демократиялық даму процесі тұрғысынан өте құнды құбылыс.
Учаскелерде ерекше қажеттіліктері бар адамдар үшін кедергісіз дауыс беруді қамтамасыз етуге ерекше көңіл бөлінеді. Оларда пандустар, дауыс беруге арналған арнайы кабиналар, Брайль шрифтімен жазылған тактильді нұсқаулықтары бар трафареттер орнатылған.
1. Жасанды интеллектті қолданасыз ба?
Сондай-ақ
