Жаңа Конституция жобасында «Заң мен Тәртіп» қағидатына басымдық берілген.
Мәжіліс депутаты Абзал Құспан осылай дейді. Тәртіп сақталып, заң орындалатын
елдің экономикасы ілгері жылжиды. Оның айтуынша, бұл бастама ел ертеңінің
жарқын болуына ықпал етеді. Себебі, заң үстемдігі орнаған мемлекетте
кәсіпкерлер мен инвесторлар өз капиталының қауіпсіздігіне сенімді. Бұл жаңа
жұмыс орындарының ашылуына, халықтың әл-ауқатын арттыруға мүмкіндік
береді.
Абзал Құспан, ҚР Парламенті Мәжілісінің депутаты:
- Заң мен Тәртіп әрбір азаматқа маңызды. Мысалы, кәсіпкер
мен кәсіпкер шарт жасайды. Сол шарттың талаптарын ақтаса. Жұмыс беруші мен
жұмысшы еңбек шартын жасайды, сол шартты қатаң сақтаса. Осындай елдер өседі,
өнеді. Осындай елде экономика дамиды. Осындай елдерде, тәртіп сақталатын, заң
орындалатын елдерге әр азамат өз ұрпағын өсіріп, қазығын қаққысы келеді.
Құқықтық өзгерістер елдің цифрлық мемлекетке айналуына оң ықпал тигізеді.
Бұл мақсатқа IT-кадрларды даярлаумен қатар, мемлекеттік басқару жүйесіне
қазіргі заманғы технологияларды енгізу қажет. Мәжіліс депутаты Екатерина
Смышляева осындай пікір айтты. Оның мәлімдеуінше, отандық нарыққа нақты
салаларда IT-дағдылары бар мамандар керек, елге - денсаулық сақтау, білім беру,
салық жүйесі мен көлік саласының цифрлық трансформациясы қажет. Спикердің
айтуынша, бұған жаңа Конституция оң ықпал ететін болады. Ғылымды дамыту,
білімді қолдау және кадр даярлау басты бағытқа айналады. Ал бұл республика
экономикасының одан әрі өсуіне негіз болмақ.
Екатерина Смышляева, ҚР Парламенті Мәжілісінің депутаты:
– Біз осы бағытта дамып келеміз. Еліміз жалпы әлемдік
цифрлық технологиялар дамуының революциялық-эволюциялық процесіне белсенді
қатысып келеді, яғни біз ортақ өзгерістен оқшау қалған жоқпыз. Цифлық әлемде оқшауланудың
өзі тым күрделі құбылыс, сондықтан біз уақыт талабына сай, пайдаланушылардың
сұраныстарына лайық жауап беруіміз керек.
1. Жасанды интеллектті қолданасыз ба?
Сондай-ақ
