Солтүстік Қазақстан облысының цифрлық платформасы әзірленеді

Солтүстік Қазақстан облысының цифрлық платформасы әзірленеді. DeepBas жасанды интеллект жүйесі көмегімен ғарыштан, әуеден, су ресурстарынан алынған деректерді біріктіріп, ғылыми шешімдер қабылданбақ. Бұл жұмысты 75 ғалымнан жасақталған 13 топ бірігіп атқарып жатыр.

Әсет Арыстанов, Жерді қашықтан зерделеу және картография тобының жетекшісі:

- Деректердің мәлімет көзді әр түрлі. Олар статистикалық мәліметтер болуы мүмкін, жерді қашықтықтан зерделеу мүмкін, әр түрлі картографиялық мәліметтер. Одан бөлек облыстың өзінде орналасқан әрбір станциялардың мәліметтері және ең басты далалық зертеулердің мәліметтері. Одан бөлек жерді қашықтықтан зерделеу бойынша ғарыштық суреттерді дишифрлеп содан алған мәліметтерді қолдана отырып орта дәлдікті карталар шығарамыз.

Ғалымдар өңір табиғатын зерттеп, деректер жинау үшін дрондар мен SIGMA көпфункциялы мобильді кешенін де қолданады. Ол жиналған ақпаратты жасанды интеллект арқылы талдап, мүмкін болған апаттарды болжайды. Бұл жоба 2024 жылдан бері жүзеге асырылып келеді.

Тимур Таменов, Ұшқышсыз авиациялық жүйелер саласының сарапшысы:

- Өткен жылы біз Есіл өзенін сканерледік. Бірнеше жыл бұрын бұл жерде су тасқыны болған еді. Біз жағалаудағы рельефтің цифрлық картасын жасап шықтық. Осы арқылы су деңгейін бақылап, қай аймақ бірінші су тасқынына ұшырауы мүмкін екенін алдын ала анықтауға болады.

Веб-редактор: Айнұр Досан