Солтүстік Қазақстан облысында 600 шақты референдум учаскелері құрылды

Солтүстік Қазақстан облысында жаңа Конституция бойынша республикалық референдумға белсенді дайындық жүріп жатыр. Өңірде дауыс беру учаскелері құрылып, 596 референдум комиссиясы жұмыс істейді. Оларға 3 мыңнан астам тұрғын мүше болған. Олар арнайы дайындықтан өтіп, дауыс беру процесінің заң талаптарына сәйкес өтуін қамтамасыз етуге дайын. Бүгінде барлық учаскелер қажетті құралдармен жабдықталған. Қазір сайлаушылар тізімі нақтылануда, ал 15 наурызда Солтүстік Қазақстан облысының 360 мыңнан астам тұрғыны референдумда өз таңдауын жасайды.

Сағындық Рахымжан, Солтүстік Қазақстан облысы аймақтық референдум комиссиясының мүшесі

- Солтүстік Қазақстан облысында республикалық референдум өткізуге 596 референдум комиссиясы, оның ішінде 15 аумақтық және 581 учаскелік комиссия қатысады. Оның ішінде ең көбі - Петропавл қаласында 98, ең азы - Аққайың ауданында 25 референдум учаскесі тіркелген.

Веб-редактор: Нұрбек Балгүл Қайрошқызы