Silk Way Star жобасының жеңімпазы қазақ тілінде ән шығарды

Silk Way Star халықаралық мегажобасының жеңімпазы, моңғолиялық әнші қазақ тілінде ән шығарды. Мишель Джозефтің су жаңа туындысы «Бағала» деп аталады. Әнді жазуға қазақстандық композиторлар мен музыкалық продюсерлер атсалысқан.

Мишель Джозеф өзгеше шығармашылығымен танымал. Халық әндерін поп, R& B және фанк сияқты заманауи жанрлармен шебер үйлестіре біледі. Айта кетейік, моңғолиялық әнші халықаралық Silk Way Star музыкалық додасында 12 ел өнерпаздарының ішінен топ жарды. Мишель Джозеф байқауда бірнеше рет қазақ әндерін орындап, сол кездің өзінде ол болашақта қазақ тілінде ән жазсам деген арман-тілегін айтқан еді. Жобаның келесі маусымы Қытайда өтеді. Музыкалық дода Қазақстан Президентінің Телерадиокешені мен China Media Group қытайлық медиа корпорациясы арасындағы келісім аясында жүзеге асырылды.  

Веб-редактор: Айнұр Досан