Silk Way Star: Гранд-финалды 120 млн жуық көрермен тамашалады

Қазақстанда Silk Way Star бірінші азиялық вокалдық байқауы өз мәресіне жетті. Өткен сенбіде мега ән бәйгесінің шешуші сәтті өтті. Бірегей жобаның көптен күткен гранд-финалының ашылу салтанатында Мемлекеттік кеңесші Ерлан Қарин Президент Қасым-Жомарт Тоқаевтың құттықтау сөзін жеткізді.  

Ерлан Қарин, ҚР Мемлекеттік кеңесшісі: 

- Бұл Азия елдерінің рухани ықпалдастығын нығайтып, халықтарымыздың достығын бекемдей түсетін бірегей бастама. Silk Way Star мәдени дипломатияның айқын көрінісі, ұлттарымыздың салт-дәстүрі мен шығармашылығын паш ететін тамаша жоба. 

Раушан Қажыбаева, ҚР Президентінің Телерадиокешенінің директоры: 

– Биыл маусым айында Қазақстан Республикасының Президенті Қасым-Жомарт Кемелұлы Тоқаев пен Қытай Халық Республикасының төрағасы Си Цзиньпин мырзаның кездесуінде 12 мемлекет қатысатын халықаралық музыкалық жобаны бастау туралы құжатқа қол қойылды. 

Ақтық сынға 7 үздік өнерпаз шықты. Олар Малайзия, Грузия, Қытай, Армения, Моңғолия, Өзбекстан және Қазақстанның өкілдері. Олардың әрқайсысы ана  тілдерінде ән шырқап, туған елінің мәдениетінің бірегейлігін танытуға тырсып бақты. Көрермен әрбір орындаушыны ерекше ықыласпен қабылдап, барынша қолдау көрсетті. Осылайша, Жібек Жолы жұлдызын анықтайтын сәт келді. Қазақстанның халық әртісі Димаш Құдайберген жеңімпаздың есімін жариялады. 

Silk Way Star ауқымы мен форматы қазірдің өзінде Евровидение сынды әлемдегі ең ірі музыкалық байқаулармен иық тіресе алады. Шоудың ақтық сыны көрермендердің рекордтық санын жинады. Қорытынды кезеңін жарты миллионнан астам адам тамашалады. Сонымен қатар, жоба Қырғызстан, Әзірбайжан, Тәжікстан, Моңғолияда тікелей эфирде көрсетілді. «Jibek Joly» телеарнасында жоба көрерменге қазақ тілінде, ал «Silk Way» арнасында алты тілде тарады. Жалпы гранд-финалды бүкіл әлем бойынша 120 млн жуық көрермен тамашалады. 

Еркежан Күнтуған, «Jibek Joly/Silk Way» телеарнасының басқарушы директоры: 

- Бұл біздің қазақстандық телеөнімнің шетелдің нағырына шыға алатына және шетелдік нарығына тікелей эфирде таратыла алатын қабілетке ие дегенді біз білдік, сендік, соны байқап көрдік. 

Мишель Джозеф, Silk Way Star байқауының жеңімпазы: 

- Маған жоба басталғалы жанкүйерлерім мен отандастарым үлкен қолдау білдірді. Жанкүйер болған қазақстандықтарға алғысым шексіз. Моңғолияда қазақтар көп тұрады. Сондықтан қазақ халқының мәдениетімен жақсы таныспын. Мен қазақ тілін үйренгім келеді. 

CMG Еуразиялық бюросы бас редакциясының меңгерушісі Ван Дэлу Silk Way Star байқауының келесі маусымы Қытайда өтетінін мәлімдеді. Аспан асты елінің өкілі бірегей жобаны ұйымдастыруда Қазақстанның тәжірибесіне арқа сүйейтіндерін айтады.